ރާއްޖޭގެ ފުރަތަމަ ކައުންސެލިން ސުޕަރވިޝަން ޓްރެއިނިން ވޯކް ޝޮޕްއެއް ފަށައިފި

ވިލާ ކޮލެޖުގައި ކައުންސެލިން ސުޕަރވިޝަން ޓްރޭނިން ވޯކްޝޮޕްއެއް މިއަދު އެ ކޮލެޖުގެ ކިއު.އައި ކެމްޕަސްގައި ފަށައިފިއެވެ. މިއީ ރާއްޖޭގައި ކައުންސެލިންގ ސުޕަރވިޝަން ޓްރޭނިންގ ވޯކްޝޮޕްއެއް ހިންގޭ ފުރަތަމަ ފަހަރެވެ.

20 ގަޑިއިރުގެ މި ތަމްރީން ޕްރޮގްރާމްގެ މައިގަނޑު މަޤްސަދަކީ ކައުންސެލިންގެ ޚިދުމަތްދެވޭ އިންސްޓިޓިއުޝަން ތަކުގައި މަސައްކަތް ކުރައްވާ ކައުންސިލަރުން އެބޭފުޅުންނަނާއި އެކު މަސައްކަތްކުރައްށްވާ އަދި އެ އިންސްޓިޓިއުޝަންތަކަށް ކައުންސިލިންގ ޓްރޭނިން އަދި އިންޓާންޝިޕް ފުރިހަމަކުރެއްވުމަށް ވަޑައިގަންނަވާ އިންޓާނުންނަށް މަސައްކަތުގައި ކަންކަން ކުރުމުގެ ގައިޑަންސް ފޯރުކޮށް ދީ އަދި އެ މަސައްކަތްތައް މޮނިޓަރކޮށް ސުޕަވައިޒްކުރަށްވާ ފަރާތްތަކަށް ފެންވަރު ރަނގަޅު ގޮތެއްގައި އެޙިދުމަށް ފޯރުކޮށް ދެވޭނޭ ކައުންސިލިންގ ސުޕަރވައިޒަރުން ބިނާކުރުމެވެ.

advertisement

އެގޮތުން މި ޓްރޭނިންގެ 20 ގަޑިއިރު ކާމިޔާބުކަމާއެކު ފުރިހަމަކުރާ ފަރާތްތަކަށް އިންޓަނޭޝަނަލް އިންސްޓްޓިއުޓް އޮފް މުސްލިމް މެންޓަލް ހެލްތް އެންޑް ފެމެލީތެރަޕީ، މެލޭޝިޔާގެ ސެޓިފިކެޓް ހާސިލްކުރެވިގެންދާނެއެވެ.

އެހެން ކަމުން މިވޯކްޝޮޕް ކުރިއަށް ގެންދެވޭނީ 2 ބަޔަކަށް  ބަހާލެވިގެން ކަމުގައި ވިލާ ކޮލެޖުން ހާމަކުރައްވެއެވެ. އެގޮތުން ފުރަތަމަ 10 ގަޑިއިރު ޙާއްސަ ކުރެވިފައިވަނީ އެސެންޝިއަލް ސްކީލް އޮފް އަ ސުޕްވައިޒަރގެ ފުރަތަމަބައިކަމުގައިވާ ސުޕަވައިޒަރ އަދި ސުޕަވައިޒީ ރިލޭޝަންޝިޕް އެގްރީމެންޓް ކުރިއަށް ގެންދެވޭނޭ ގޮތްތަކާއި، އެކްޓިވް ލިސިނިންގ ސްކިލްސް ، ތިއެރެޓިކަލް ފޮރޭމްވާރކް އަދި މޮޑެލްސްއޮފް ސޮޕަވިޝަން ބޭނުންކޮށްގެން ސްޕަވިޝަން ސެޝަންސް އެނަލައިސް  އަދި ރިފްލެކްކުރަމާއެކު، ދިމާވާއެކިއެކި އެތިލަކް އިޝޫސްއަށް ހޭލުންތެރިވެ އެކުގައި މަސައްކަތްކުރެވޭނޭ މާހައުލެއް ގާއިމުކުރެވޭނޭ އެކިއެކި ހުނަރުތަކަށެވެ. މި ވޯކްޝޮޕްގައި ކިޔަވާދެއްވާނީ މެލޭޝިޔާގެ ޕްރޮފެސަރ އަދި އިންޓަރނޭޝަނަލް އިންސްޓިޓިއުޓް އޮފް މުސްލިމް މެނަޓަލް ހެލްތް އެންޑް ފެމެލީ ތެރަޕީ (އައި.އެމް.އެޗް.އެފް.ޓީ) ގެ ޑައިރެކްޓރ އޮފް އެކްސެލެންސެވެ.