ގެވެށި ގުޅުން ކެމްޕެއިންގެ ދަށުން ތައްޔާރުކުރި ބިލްބޯޑްތައް އިފްތިތާހްކޮށްފި

މިނިސްޓްރީ އޮފް ޖެންޑަރ, ފެމިލީ އެންޑް ސޯޝަލް ސަރވިސަސްގެ ފަރާތުން ކުރިއަށްގެންދާ ގެވެށި ގުޅުން ކެމްޕެއިންގެ ދަށުން ތައްޔާރުކުރި ބިލްބޯޑް އިފްތިތާޙްކޮށްފިއެވެ.

މި ބިލްބޯޑްރައް އިފްތިތާހްކޮށްފައިވަނީ މިކަމަށްޓަކައި މިދިޔަ ހޮނިހިރު ދުވަހުގެރޭ ށ.ފުނަދޫގައި ބޭއްވި ހާއްސަ ރަސްމިއްޔާތެއްގައެވެ. މި ރަސްމިއްޔާތުގައި ބިލްބޯޑްތައް އިފްތިތާހްކޮށްދެއްވީ ޕާކިސްތާނުން ރާއްޖެއަށް ކަނޑުއަޅުވާފައި ހުންނަ ސަފީރު ހިޒް އެކްސެލެންސީ ވައިސް އެޑްމިރަލް މުހައްމަދު ފައްޔާތު ގިލާނީއެވެ. 

advertisement

ގެވެށި ގުޅުން ކެމްޕެއިންގެ ދަށުން މިދިޔަ ހުނިހިރު ދުވަހުގެރޭ އިފްތިތާޙްކުރި ބިލްބޯޑްތަކަކީ ގެވެށި އަނިޔާ ހުއްޓުވުމަށާއި, ޢާއިލީ ގުޅުން ބަދަހިކުރުމަށް ހިތްވަރު ލިބޭ މެސެޖުތައް ރާއްޖޭގެ ވީހާވެސް ގިނަ ބަޔަކަށް ފޯރުކޮށްދިނުމަށްޓަކައި ތައްޔާރުކޮށްފައިވާ ބިލްބޯޑްތަކެކެވެ. 

މި މަސައްކަތުގެ ދަށުން މާލެ ހިމެނޭހެން ޖުމްލަ 66 ރަށެއްގައި ބިލްބޯޑަތައް ބަހައްޓާނެއެވެ. މިގޮތުން މާލެ އާއި ކޮންމެ އަތޮޅެއްގެ ވެރިކަންކުރާ ރަށެއްގައި 16 ފޫޓް 8 ފޫޓްގެ ބޮޑެތި ބިލްބޯޑްތައް ބަހައްޓާނެއެވެ. މި ހުރިހާ ބިލްބޯޑްތައް ބެހެއްޓުމަށް ހަމަޖެހިފައިވާއިރު, އިތުރު 45 ރަށެއްގައި 8 ފޫޓު  4 ފޫޓުގެ ބޮޑުމިނުގެ ބިލްބޯޑު ބަހައްޓާނެއެވެ. މި ހުރިހަ ބިލްބޯޑުތަކެއް ހަރުކުރުމުގެ މަސައްކަތް ކުރިއަށް އޮތް މަހެއްހައި ދުވަސް ތެރޭގައި ނިމޭނެއެވެ. 

މި ބިލްބޯޑްތަކުން މައިގަނޑު ފަސް މެސެޖެއް ފޯރުކޮށްދޭނެއެވެ. އޭގެ ތެރޭގައި ކުދިން ތަރުބިއްޔަތިކުރުމުގައާއޮ, ގޭތެރޭގެ މަސައްކަތްތަކުގައި ދެމަފިރިން ހަމަހަމައަށް ހިއްސާވުމާއި, ދެމަފިރިން އިހްތިރާމާއި އެކު މުއާމަލާތުކުރުމާއި, މައިންބަފައިންނަށް ކަމޭހިތައި ކަމޭހިތައި އަޅާލުމުގައި ކުދިންނަށް ނަމޫނާ ދެއްކުމާއި, ކުދިންނާއެކު މައިންބަފައިން ވަގުތު ހޭދަކުރުމާއި އަދި ގެވެށި އަނިޔާ ލިބޭ މީހާ ކުށްވެއި ނުކޮށް އެހީތެރިވުމަށް ބާރު އަޅައި ތައްޔާރުކޮށްފައިވާ މެސެޖުތަށް ހިމެނެއެވެ.