ބިމެއް އޮޅުވާލައިގެން ވިއްކާފައެއް ނުވޭ, ހިޔާނާތްތެރިވި މުވައްޒަފު ހިންގާފައިވަނީ ރިޝްވަތުގެ މުޢާމަލާތެއް: އެޗް.ޑީ.ސީ

އެ ކޯޕަރޭޝަންގެ މުވައްޒަފަކު ހެދިފައިވާ އުސޫލުތަކާއި ހިލާފަށް އޮޅުވާލައިގެން އަމިއްލަ ފަރާތަކަށް ބިމެއް ދޭނެކަމަށްބުނެ މަންފާއެއް ހޯދުމަށް މަސައްކަތް ކުރާކަން އެޗް.ޑީ.ސީއަށް ފާހަގަކުރެވުނު ހިސާބުން އެ މައްސަލަ ބަލާ، އެ މުވައްޒަފު ވަނީ ވަގުތުން ސަސްޕެންޑް ކުރެވިފައި ކަމަށް އެ ކޯޕަރޭޝަނުން މިއަދު ބުނެފިއެވެ.

ކަސްޓަމަރަށް އޮޅުވާލައިގެން ފައިސާގެ މުޢާމާލާތެއްކޮށް އެ މުވައްޒަފުގެ އަމިއްލަ ބޭންކް އެކައުންޓަށް ފައިސާޖަމާކޮށްފައިވާކަން މި މައްސަލައިގެ ތަހުޤީޤުގައި އެޗް.ޑި.ސީއަށް ވަނީ ފާހަގަކުރެވިފައި ކަމަށާއި އަދި އެ ކޯޕަރެޝަނުގެ ފަރާތުން ފައިސާގެ އެއްވެސް މުޢާމާލާތެއް އަމިއްލަ މުވައްޒަފެއްގެ ބޭންކް އެކައުންޓެއް މެދުވެރިކޮށް ނުކުރާނެކަމަށްވެސް މިއަދު ނެރުނު ބަޔާނުގައި ބުނެފައިވެ އެވެ.

advertisement

އެހެން ކަމުން މި ކަމަށް އާއްމު ރައްޔިތުން ސަމާލުވުމަށް އެޗް.ޑީ.ސީންވަނީ އެދިފައި އެވެ.  

މިއަދު ނެރުނު ބަޔާނުގައި އިތުރަށް ބުނެފައިވަނީ އެ މައްސަލާގައި އެއް މިލިއަން ރުފިޔާގެ ބިމެއް ވިއްކާފައިވާކަމަށް މީޑިއާގައި ޝާއިއުކޮށްފައިވާ މައުލޫމާތަކީ ތެދު މައުލޫމާތެއްނޫން ކަމަށެވެ.