ޕްލާންޓް ބޭސްޑް ޑައިޓްގައި ހުރި ފައިދާއާއި ގޮންޖެހުންތައް

ޕްލާންޓް ބޭސްޑް ޑައިޓަކީ މައިގަނޑު ގޮތެއްގައި ގަސްގަހާގެހީގެ ބާވަތްތައް ކަމަށްވާ މޭވާ، ތަރުކާރީ، ހޯލް ގްރޭންސް، ފަތްޕިލާވެލީގެ ބާވަތްތައް އަދި ނަޓްސް ފަދަ ކާނާ ހިމެނޭ ކާނާގެ ބާވަތެކެވެ. ގަސްގަހާގެހީގެ ބާވަތްތައް ބޭނުންކޮށްގެން ކެއެމަކީ ސިއްހަތަށް އެތައް ގިނަ ފައިދާތަކެއް ކުރާނެ ކަމެކެވެ. ނަމަވެސް ޕްލާންޓް ބޭސްޑް ޑައިޓްއެއް ބޫނުންކުރުމުގައި ބައެއް ގޮންޖެހުންތައް ވެސް ހުރެއެވެ.

ޕްލާންޓް ބޭސްޑް ޑައިޓަކުން ލިބޭ ފައިދާތައް:

• ދާއިމީ ބަލިތަކުގެ ނުރައްކާތަކުން ސަލާމަތްވުން: ދިރާސާތަކުން ދައްކާ ގޮތުގައި ގަސްގަހާގެހީގައި އެކުލެވޭ ކާނާގެ ސަބަބުން ހިތުގެ ބަލިތަކާއި ޓައިޕް 2 ހަކުރު ބައްޔާއި ބައެއް ވައްތަރުގެ ކެންސަރު ފަދަ ދާއިމީ ބަލިތައް ޖެހުމުގެ ފުރުސަތުތައް ކުޑަކޮށްދެ އެވެ.
• ޑައިޖެސްޓިވް ސިސްޓަމް ވަރުގަދަކޮށްދިނުން: ގަސްގަހާގެހީގައި އެކުލެވޭ ކާނާއަކީ ފައިބަރު ގިނަ އަދަދަކަށް އެކުލެވިގެންވާ ކާނާއެއް ކަމުން ސިއްހަތަށް ފައިދާހުރި ހަޖަމުކުރުމަށް މަގުފަހިކޮށްދީ، ހަޖަމުކުރުމުގެ މައްސަލަތައް ކަމަށްވާ ބަނޑުހައިހޫނުކަމާއި ޑައިވާޓިކިއުލައިޓިސް ފަދަ ހަޖަމުކުރުމުގެ މައްސަލަތައް ކުރިމަތިވުމުގެ ފުރުސަތު ކުޑަކޮށްދެއެވެ.
• ވެއިޓް މެނޭޖްމަންޓް: ޕްލާންޓް ބޭސްޑް ޑައިޓްތަކުގެ ސަބަބުން ބަރުދަން ބެލެހެއްޓުމަށް އެހީތެރިވެދެއެވެ އަދި ފައިބަރު ގިނަވުމާއި ކެލޮރީ ދަށްވުމާއި ފެޓް ހަށިގަނޑުގައި ހުންނަ މިންވަރު ވެސް ބެލެންސްކޮށްދެއެވެ.

ޕްލާންޓް ބޭސްޑް ޑައިޓްގައި ހުރި ގޮންޖެހުންތައް:

• ނިއުޓްރިއެންޓް ދަށްވުން: ގަސްގަހާގެހީގައި ހުންނަ ކާނާގެ ސަބަބުން ރަނގަޅަށް ރޭވިފައި ނުވާނަމަ ނިއުޓްރިއަންޓް މަދުވެދާނެ އެވެ. ދަގަނޑު، ކެލްސިއަމް، ވިޓަމިން ޑީ އަދި ވިޓަމިން ބީ12 ފަދަ ނިއުޓްރިއެންޓްސް އެކަށީގެންވާ މިންވަރަށް ބޭނުންކުރެވޭތޯ ބެލުމަކީ މުހިންމު ކަމެކެވެ.
• ޚަރަދު: ޖަނަވާރުގެ އުފެއްދުންތައް ހިމެނޭ ޑައިޓަކަށްވުރެ ޕްލާންޓް ބޭސްޑް ޑައިޓަކީ އަގުބޮޑު ޑައިޓަކަށް ވެދާނެއެވެ. އަދި ގަސްގަހާގެހީގެ ގިނަ އަލްޓަނޭޓިވްސްތަކަކީ އަގު ބޮޑު ކާނާއަކަށްވެސް ވެދާނެއެވެ.
• ރަހަ ތަފާތުވުން: ގަސްގަހާގެހީގެ ބާވަތްތައް ހިމެނޭ ކާނާގެ ރަހައާއި ޓެކްސްޗަރއަށް އެޑްޖަސްޓްކުރަން ބައެއް މީހުންނަށް އުނދަގޫވެދާނެއެވެ. މިހެންވެ ޕްލާންޓް ބޭސްޑް ޑައިޓެއް ކޮންމެ މީހަކަށް ބޭނުމެއްނުކުރެވޭނެއެވެ.

އެހެންކަމުން، ގަސްގަހާގެހީގެ ބާވަތްތަކުގެ ކާނާއިން ސިއްޙީ ގޮތުން ގިނަ ފައިދާތަކެއް ލިބިދާނު ކަމުގައިވިނަމަވެސް ބައެއް ގޮންޖެހުންތައް ވެސް ކުރިމަތިވެދާނެއެވެ.

advertisement