މިއަދުގެ ފާހަގަކޮށްލެވޭ ހަބަރުތައް ކުރުކޮށް

މިފްކޯގެ ހިންގުން ހަރުދަނާކުރުމަށް ވިސްލްބްލޯ ކުރެވޭނެ ނިޒާމެއް

މިފްކޯގެ ހިންގުމުގެ ނިޒާމު ހަރުދަނާކުރުމަށް، ރައްކާތެރިކަމާ އެކު ވިސްލްބްލޯ ކުރެވޭނެ ނިޒާމެއް ގާއިމްކޮށްފި

ވިސްލްބްލޯ ކުރާ ނިޒާމަކީ ކުންފުނީގެ މުދަލާއި، ފައިސާ އަދި އެހެނިހެން ވަސީލަތްތައް ބަލަހައްޓާ ބޭނުންކުރުމުގަޔާއި އޮޕަރޭޝަންތަކުގައި ކުންފުންޏަށް ގެއްލުންވާނެހެން އުސޫލުތަކާއި ހިލާފަށް އެތެރޭގައި ހިންގާ ކަންކަން ކުންފުނީގެ އިންޓާނަލް އޮޑިޓާއި ބޯޑަށް އެންގުމަށް ބޭނުންވާ ފަރާތްތަކަށް އެކަން ކުރުމަށް މަގުފަހިކޮށްދިނުމަށް އުފައްދާފައިވާ ނިޒާމެއް

advertisement

ތިން މަހުން ބައި މިލިއަން ފަތުރުވެރިން ރާއްޖެ އަތުވެއްޖެ

މި އަހަރުގެ މިހާތަނަށް ރާއްޖެއަށް ފަސް ލައްކައަށް ވުރެ ގިނަ ފަތުރުވެރިން ޒިޔާރަތް ކޮށްފި

ފަތުރުވެރިކަމާ ބެހޭ ވަޒީރު ޑރ. އަބްދުﷲ މައުސޫމް ރޭ ހިއްސާކުރެއްވި ތަފާސް ހިސާބުތަކުން ދައްކާ ގޮތުގައި މި އަހަރުގެ މިހާތަނަށް ރާއްޖެ ޒިޔާރަތްކޮށްފައި ވަނީ 5000،597 ފަތުރުވެރިން

ވިނަރެސް ފްލެޓަށް ޕޮއިންޓުގެ ގޮތުން އެއްވަރުވި މީހުންގެ ގުރުއަތެއް ނަގަނީ

އެޗްޑީސީ އިން ބުނީ ވިނަރެސް އެޕާޓްމެންޓް ގަތުމަށް އެދި ހުށަހެޅި ފަރާތްތަކުގެ ތެރެއިން ޕޮއިންޓް އެއްވަރުވި މީހުން ބަލާނީ މިނިސްޓްރީ އޮފް ހައުސިން އިން މުރާޖަޢާކޮށްފައިވާ ލިސްޓުގައި، މިނިސްޓްރީގެ މިންގަޑުތަކާއި އެއްގޮތަށްޕޮއިންޓް ދެވިފައިވާއިރު، އެއްވަރުވެފައިވާ މީހުން ކަމަށް

މި ގުރުއަތުލުން އެޗްޑީސީގެ ފޭސްބުކް ޕޭޖުން ލައިވް ކުރާނެ ކަމަށް އެ ކުންފުނިން ބުނި

މިދިޔަ އަހަރު ގިނައިން އައްޔަނުކުރީ އަންހެން ފަނޑިޔާރުން

މިދިޔަ އަހަރަށް ވުރެ އޭގެ ކުރީ އަހަރު އަންހެން ފަނޑިޔާރުންގެ ނިސްބަތް 2.7 އިންސައްތަ އިތުރުވެފައިވާ ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) ގެ އަހަރީ ރިޕޯޓުން ދައްކައިފި

އެކޮމިޝަނުން އާންމުކޮށްފައިވާ ރިޕޯޓުން ދައްކާގޮތުން މިދިޔަ އަހަރު ނިމުނު އިރު ޖުމްލަ 170 ފަނޑިޔާރުން ތިބިއިރު އޭގެ ތެރޭގައި 23 އަންހެން ފަނޑިޔާރުން ހިމެނޭ

އެކަކަށް ސިމް ނެގޭ މިންވަރު މޭ މަހު ކަނޑައަޅަނީ

އެކަކަށް މޯބައިލް ސިމް ނެގޭ މިންވަރު ކަނޑައެޅުމުގެ މަސައްކަތް މި އަހަރުގެ މޭ މަހުގެ ތެރޭގައި ފަށާނެ ކަމަށް، ކޮމިއުނިކޭޝަންސް އޮތޯރިޓީ އޮފް މޯލްޑިވްސް (ކޭމް)އިން ބުނެފި

ރާއްޖޭގައި ސްކޭމް ކޯލްތައް އިތުރު ވާ މައްސަލަ ދިރާސާ ކުރަން ކުރާ މަސައްކަތުގެ ތެރެއިން ރައްޔިތުންގެ މަޖިލީހުގެ އެސްއޯއީ ކޮމެޓީން މިއަދު ވަނީ ކޭމްގެ އިސްވެރިން ކޮމެޓީއަށް ހާޒިރުކޮށްފައި