ސައިންސްވެރިން ބުނާ ގޮތުގައި ދަރިން ތަރުބިއްޔަތުކުރާނެ އުކުޅުތައް މިއީ

ބެލެނިވެރިއެއްގެ ހައިސިއްޔަތުން އަދަބެއް ނުވަތަ ނެގެޓިވް ރިއިންފޯސްމަންޓެއް ގެނައުމެއް ނެތި ދަރިފުޅަށް ހަރުދަނާ ގޮތެއްގައި ޑިސިޕްލިން ކުރުމަކީ ގޮންޖެހުންތަކެއް ކުރިމަތިވެދާނެ ކަމެކެވެ. ނަމަވެސް ޕޮޒިޓިވް ޑިސިޕްލިން ޓެކްނިކްސްގެ ސަބަބުން ދަރިފުޅަށް ދުޅަހެޔޮ، އިހްތިރާމްތެރި އަދި ހަރުދަނާ ގޮތެއްގައި ރަނގަޅު އަދި ނުބައިގެ ތަފާތު ދަސްކޮށްދޭނެ އެވެ.

ދަރިފުޅުގެ އަޚްލާޤަށް އިރުޝާދު ދިނުމަށް ބޭނުންކުރެވިދާނެ ރަނގަޅު ޑިސިޕްލިން ސްޓްރެޓެޖީތަކެއް:

advertisement

• އުއްމީދުތަކެއް ކަނޑައެޅުން: ކުއްޖާގެ އަޚްލާޤާމެދު ތިބާގެ އުއްމީދުތައް ރަނގަޅަށް ސާފުކޮށް މުޢާމަލާތުކޮށް، އެ އުންމީދުތައް ޙާޞިލުނުވުމުގެ ނަތީޖާ އެކުދިންނަށް ކިޔާދެވިދާނެއެވެ.
• ޕޮޒިޓިވް ރިއިންފޯސްމަންޓް: ދަރިފުޅަށް ތައުރީފުކޮށް އިނާމު ދީގެން ކުއްޖާގެ ހެޔޮ އަމަލުތަށް ކުރަން ހިތްވަރު ދެވިދާނެއެވެ. އޭގެ ތެރޭގައި “ގުޑް ޖޮބް” ނުވަތަ “ޝުކުރިއްޔާ” ބުނުން ފަދަ ކަންކަންކުރެވިދާނެއެވެ.
• މައްސަލަ ހައްލުކުރުމަށް ހިތްވަރުދިނުން: ދަރިފުޅަށް ގޯހެއް ހެދޭނަމަ އެކަމަށް ހައްލެއް ގެނައުމަށް ހިތްވަރު ދޭށެވެ. މިކަމުގެ ސަބަބުން އެކުދިންގެ ޢަމަލުތަކުގެ ޒިންމާ ނަގަން ދަސްވެ، މައްސަލަތައް ޙައްލުކުރުމުގެ ހުނަރު ކުރިއެރުވުމަށް މަގުފަހިވެގެންދާނެއެވެ.
• އަޑުއެހުން: ދަރިފުޅުގެ ވާހަކަ އަޑުއެހުމާއި އެކުދިންގެ ނަޒަރު ދެނެގަތުމުން އެކުދިންގެ އަޑު އެހުމުން އެކުދިންގެ އުޅުން ރަނގަޅުކޮށްދެއެވެ. ފާޑުކިޔުމެއް ނެތި ކުއްޖާގެ ވާހަކަ ތައް އަމަލީގޮތުން އަޑުއަހަން މަސައްކަތްކުރާށެވެ.

ޑިސިޕްލިންއަކީ ހަމައެކަނި އަދަބު ދިނުމެއް ނޫންކަމާއި، ދަރިފުޅަށް ޒިންމާދާރު އަދި އިޙްތިރާމްތެރި މީހަކަށް ވުމަށް އުނގަންނައިދިނުމާއި އިރުޝާދު ދިނުންކަން ހަނދާނުގައި ބަހައްޓަންވާނެއެވެ.