ޒިންމާއިން ރެކުމަށް ތިމާއަކީ ނާގާބިލު މީހެއް ކަމަށް ހެދުން — ވަރަށް ގިނައިން މީހުން ކުރާ ކަމެއް

ޒިންމާއިން ރެކޭ މީހުން އެކި އުކުޅުތައް ބޭނުންކޮށް އުޅެ އެވެ. މީގެ އެއް އުކުޅަކީ ތިމާ އަކީ ކަމެއް ކުރަން ނޭންގޭ ނުވަތަ ނާގާބިލު މީހެއް ކަމަށް ދެއްކުމެވެ. އިނގިރޭސި ބަހުން ބުނާ ނަމަ “ވެޕަނައިޒްޑް އިންކޮމްޕެޓެންސް” އެވެ. 

މި ލިޔުމުގައި ފިޗަރ ކޮށްފައިވާ ފޮޓޯ އަކީ ގިނަ މީހުންނަށް އިންޓަނެޓުން ފެނިފައި ހުންނާނެ ފޮޓޯ އެކެވެ. އަނބި މީހާ ފިރިމީހާ ގާތު ބުނީ އެއްބައި އަލުވި މަށާފައި ފެނުކަށްކާށެވެ. ފިރިމީހާ ހުރިހާ އަލުވިތަކުގެ އެއްބައި ކޮށާފައި ފެނުކެއްކީ އެވެ. އިންޓަނެޓަށް މި ޕޯސްޓުލުމުން ވަރަށް ގިނަ މީހުންނަށް މި ޕޯސްޓު މަޖާވި އެވެ. ނަމަވެސް މި ޕޯސްޓުން ދޭހަވާ އެހެން ކަމެއްވެސް އެބަ އޮތެވެ.

advertisement

ޒިންމާއިން ރެކުން އެކި ގުޅުންތަކުގައި ދިމާވެދާނެ އެވެ. އޭގެތެރޭގައި:

• އެއްބަނޑު އެއްބަފާ އެއްބަނޑު އެއްބަފާ މީހުންގެ ގުޅުން
• މައިންބަފައިންނާއި ދަރިންގެ ގުޅުން
• ކައިވެނީގެ ކަންކަން
• ރޮމޭންޓިކް ގުޅުންތައް
• ރޫމްމޭޓުން
• ރަހުމަތްތެރިކަން
• އެކުގައި މަސައްކަތްކުރާ މީހުން
• މުދައްރިސް-ދަރިވަރު ޑައިނަމިކް

ޒިންމާއިން ރެކޭ މީހުންގެ  ނިޝާންތައް:

• އެމީހުން ސިމްޕަލް ޓާސްކްތައް ނުބައިކޮށް ކުރުން: ޒިންމާއިން ރެކޭ މީހުންގެ އެންމެ ބޮޑު އެއް އަލާމާތަކީ، އެ ޒިންމާ އެހެން މީހުންގެ ބޮލުގައި އެޅުމުގެ މަޤްޞަދުގައި ނުބައިކޮށް މަސައްކަތެއް ފުރިހަމަކުރުމުންނެވެ..
• ތިމާއަށް ތިމާގެ ނާޖާއިޒް ފައިދާ ނަގަހެން ހީވުން: ޒިންމާއިން ރެކޭ މީހުންގެ ފަރާތުން، މަކަރާއި ހީލަތުން ނުވަތަ އޭގެ ނާޖާއިޒު ފައިދާ ނަގަމުންދާކަމުގެ އިހުސާސް ކުރެވޭނަމަ އެކަމަށް ސަމާލުވާށެވެ. 
• އިތުބާރުނުކުރެވުން : ކޮންމެ ކަހަލަ ގުޅުމަކަށް ވެސް އިތުބާރު ކުރުމަކީ މުހިންމު ކަމެކެވެ. އިތުބާރެއް ނެތުމުން، ތިބާއަށް ބަރޯސާ ނުވެވޭނެކަން އެމީހުން މީގެ ކުރިންވެސް ތިބާއަށް ދައްކައިދީފައިވެއެވެ. އެހެންކަމުން ދާއިމީ ގޮތެއްގައި ނިކަމެތިކަން އިހުސާސްކުރެވޭ ހިނދު ވިސްނާލާށެވެ.
• ވަރުބަލިވުން: ކޮންމެ ވަގުތަކު ވެސް އެހެން މީހުންނަށް ޓަކައި މާ ގިނައިން ކަންތައް ކުރާއިރު، ވަރުބަލިކަން މާބޮޑަށް އިހުސާސް ކުރެވެން ފަށައެވެ.
• އެއްވާހަކަތަކެއް މާގިނައިން އަޑުއިވުން: މިކަން ނަހަމަ ގޮތުގައި ބޭނުންކުރާ މީހުން ބޭނުންކުރާ ޢާންމު ބަސްތަކެއް އެބަހުއްޓެވެ. އޭގެ ބަދަލުގައި އެމީހުން ބޭނުންކުރާ މީހުންގެ މެދުގައި ޢާންމު ޖަވާބެއް އުފައްދައެވެ.

ޒިންމާއިން ރެކުމަކީ ވަރަށް ގިނަ ފިރިހެނުން ކުރާ ކަމެކެވެ. ހާއްސަކޮށް ގޭތެރޭ މައްސަކަތާއި ދަރިން ބެލުމުގައި ޒިންމާއިން ފިރިހެނުން ރެކޭތަނަކީ މަދުން ނަމަވެސް އަހަރުމެންނަށް ދިވެހި މުޖުތަމައުއިން ފެންނަ މަންޒަރެކެވެ.

ދަރިފުޅުގެ ނެޕީ ބަދަލުނުކުރަނީ އެކަން ކުރަން ނޭންގޭތީއޭ, ގޭގައި ނުކައްކަނީ އަނބިމީހާ ތިމަންނައަށްވުރެ މާ މީރުކޮށް ކައްކާތީއޭ ބުނާ އަޑު އިވެ އެވެ. އަދި ކާބޯތަކެތި ގަންނަން ކަންމަތީ ފިހާރައަށް ފޮނުވުމުން ނުބައި ތަކެތި ގަނެގެން އައުމާއި ދެވަނަ ފަހަރަށް ނުފޮނުވާވަރު ކުރުމަކީ މަދުން ނަމަވެސް އަހަރުމެންނަށް ފެންނަ މަންޒަރުތަކެކެވެ.

ނަމަވެސް މި ސަގާފަތަކީ އަހަރުމެން ބަދަލުކުރަން ޖެހޭ ސަގާފަތެކެވެ.

އަދި ހަމަ އެހެންމެ މިފަދަ އަމަލުތަކަކީ މަސައްކަތުގެ މާހައުލުންވެސް ފެންނަ މަންޒަރުތަކެކެވެ. މަސައްކަތެއް ހަވާލުކުރީމާ އަމާ ބުނީތީ ފަރަށްދާ އުސޫލުން އެ ކަމެއް ކުރުމެވެ.