ސިނގިރޭޓް ފިލްޓަރު އުކާނަމަ ފްލެޓު އަތުލާނެކަމުގެ އިންޒާރު

ހިޔާ ފްލެޓްތަކުގެ ބެލްކަނި އަދި ކޮރިޑޯއިން ސިނގިރޭޓު ބޮއެފައި ނިވާނުލާ އޭގެ ފިލްޓަރު އުކާނަމަ، އެ ކަން ކުރާކަން ފާހަގަކުރެވޭ މީހުންގެ ފުލެޓުތައް އަތުލާނެ ކަމުގެ އިންޒާރު އާބަންކޯއިން ދީފިއެވެ.

ހިޔާ ޓަވަރުގެ  ޔުނިޓެއްގައި ވަނީ ރޭގެވަގުތެއްގައި އަލިފާނުގެ ހާދިސާއެއް  ހިނގާފައެވެ.  މިހާރު  އަލިފާންގަނޑު  ކޮންޓްރޯލް ކުރެވިފައި  ވާއިރު  މި  ހާދިސާވެސް ހިނގާފައިވަނީ ނިވާ ނުލާ އެއްލާލެވުނު ސިގިރެޓެއްގެ ސަބަބުން ކަމަށް ވަނީ ޝައްކު ކުރެވިފައެވެ. 

advertisement

🚨#Breaking Hulhumalé Phase 2 ge H7 flat ge 1 vana fangifilaa gai huri apartment ehga alifaanuge haadhisa eh hin’gaifi #HappeningNow

Ithuru mauloomaathu: https://t.co/pcENKRRK33 pic.twitter.com/HE6rMlQSbs— #MvCrisis (@MvCrisis) April 14, 2023

މިއީ މި މަހު ހިނގި މިފަދަ ދެވަނަ ހާދިސާއަށް ވެފައި، އެންމެ މީހަކު ކުރާ މިފަދަ އަމަލެއްގެ ސަބަބުން އެތައް ރައްޔިތުންނެއްގެ ފުރާނައާއި މުދަލަށް ގެއްލުންވެ މިފަދަ އަމަލެއްގެ ސަބަބުން މިއަށްވުރެވެސް ނުރައްކާތެރި ހާދިސާއެއް ކުރިމަތިވުމުގެ ފުރުސަތު އޮތުމާއިއެކު، މިފަދަ އަމަލުތައް ކުރާ ފަރާތްތަކާއި ޔުނިޓްތައް ދެނެގަނެ ހަރުކަށި ފިޔަވަޅު އަޅާނެ ވާހަކަ ދެންނެވީމެވެ. މި ފަދަ ހާދިސާތައް ތަހުޤީޤު ކުރުމަށްފަހު ރައްޔިތުންގެ ސަލާމަތަށް އިހްމާލުވެފައިވާ ފަރާތްތަކުގެ ޔުނިޓް އަތުލުމުގެ ފުރުސަތުވެސް އޮންނާނެއެވެ. 

އާބަންކޯގެ އިލްތިމާސްއަކީ އެކަކު އަނެކަކަށް އިހްތިރާމްކޮށް، އެކުގައި ދިރިއުޅޭ އަވަށްޓެރިންގެ ރައްކާތެރިކަމާއިމެދެ ފަރުވާތެރިވެ މިފަދަ ކަންކަން ތަކުރާރުވިޔަ ނުދިނުމަށްޓަކައި ހުޅުމާލޭގެ ފްލެޓްތަކުގައި ދިރިއުޅޭ ރައްޔިތުންވެސް ގުޅިގެން މަސައްކަތް ކުރުމެވެ.