ގޮހޮރާއި ސިކުނޑިއާ ހުރި ގުޅުން

ގަޓް-ބްރެއިން ކަނެކްޝަނަކީ ހަޖަމުކުރާ ނިޒާމް (ގަޓް) އާއި ސެންޓްރަލް ނާރވަސް ސިސްޓަމް (ބްރެއިން) އާ ދެމެދު އޮންނަ ބައިޑިރެކްޝަނަލް ކޮމިއުނިކޭޝަނެވެ. ދިރާސާތަކުން ދައްކާ ގޮތުގައި ބަނޑުގެ ދުޅަހެޔޮކަމަކީ ނަފްސާނީ ދުޅަހެޔޮކަމާއި ދުޅަހެޔޮކަމަށް ވަރަށް ބޮޑު އަސަރެއް ކުރުެއެވެ.

ގޮހޮރަކީ ޓްރިލިއަން ޓްރިލިއަން މައިކްރޯޖަނިޒަމްތައް ދިރިއުޅެމުން އަންނަ އެއްޗެކެވެ. ގޮހޮރުގެ ދުޅަހެޔޮކަން ދެމެހެއްޓުމަށާއި ދިފާއީ ނިޒާމާއި މެޓަބޮލިޒަމް ގެ އިތުރުން މޫޑާއި އަހުލާގަށް ވެސް ނުފޫޒު ފޯރުވުމުގައި މި މައިކްރޯޖީނިޒަމްތައް ވަރަށް މުހިންމު ދައުރެއް އަދާކުރެ އެވެ.

advertisement

ގޮހޮރުގެ ދުޅަހެޔޮކަން ދަށްވުމުގެ ސަބަބުން ނަފްސާނީ ދުޅަހެޔޮކަމުގެ ގިނަ މައްސަލަތަކައް ދިމާވެދާނެއެވެ. އޭގެ ތެރޭގައި އެންޒައިޓީ، ޑިޕްރެޝަން އަދި އަލްޒައިމާ ފަދަ ނިއުރޯޑިޖެންރޭޓިވް ބަލިތައް ވެސް ހިމެނެ އެވެ. އެއާ ޚިލާފަށް ކެއުމާއި ކަސްރަތާއި ދިރިއުޅުމުގެ ވައްޓަފާޅިއަށް ގެންނަ އެހެނިހެން ބަދަލުތަކުގެ ސަބަބުން ބަނޑުގެ ދުޅަހެޔޮކަން ރަނގަޅުވުމަކީ ސިކުނޑީގެ ދުޅަހެޔޮކަން ރަނގަޅުކޮށްދޭނެ ކަމެކެވެ.

ގޮހޮރުގެ ސިއްހަތު ރަނގަޅު ކުރުމަށް ކުރެވިދާނެ ކަންކަމުގެ ތެރޭގައި ޔޯގަޓް ފަދަ ޕްރޮބަޔޮޓިކް އެކުލެވޭ ކާނާ ކެއުމުގައި ހިމެނުމާއި ފައިބަރު ކެއުން އިތުރުކުރެވިދާނެއެވެ. އަދި ޕްރޮސެސްކޮށްފައިވާ ނުވަތަ ފެޓް ގިނަ ކާނާ ކެއުންވެސް މަދުކުރެވިދާނެއެވެ. މީގެ އިތުރުން ޕްރީބަޔޮޓިކް ސަޕްލިމެންޓަކީ ގޮހޮރުގެ ސިއްހަތު އަލުން އިއާދަކޮށްދިނުމަށް އެހީތެރިވެދޭ އެއްޗެކެވެ.

ހަމައެގޮތުން މެޑިޓޭޝަން ފަދަ މައިންޑްފުލްނެސް އާއި ރިލެކްޝަން ޓެކްނިކްސް ހިމެނުމަކީ ސްޓްރެސް ލެވެލް ދަށްކޮށް، ސިއްހަތަށް ފައިދާހުރި ގޮހޮރުގެ މަސައްކަތް ކުރިއެރުވުމަށް މަގުފަހިކޮށްދޭ ކަމެކެވެ. އެހެންކަމުން ބަނޑުގެ ދުޅަހެޔޮކަމަށް ސަމާލުކަން ދިނުމަކީ ނަފްސާނީ ދުޅަހެޔޮކަމާއި ދުޅަހެޔޮކަން ދެމެހެއްޓުމަށް ވަރަށް މުހިންމު ކަމެކެވެ.