ރަނގަޅު ކަންކަމުން ސްޓްރެސް އުފެދިދާނެ ހެއްޔެވެ؟

ވަރަށް ގިނަ މީހުން ހިތައް އަރާފާނެ ރަނގަޅު ކަންކަމުން ސްޓްރެސް ވެދާނެތޯ އެވެ. މީގެ ޖަވާބަކީ އާއެކެވެ. 

ތިމާ އެންމެ ގަޔާވާ ކުޅިވަރު ޓީމު ކުޅޭތަން ބަލަން ލިބޭ ފޯރިއާއި، ވަޒީފާގެ ކުރިއެރުން ލިބިގެން ލިބޭ ފޯރިއާއި، ތިމާ ހިތްހަމަ ޖައްސާލުމަށް ކުރެވޭ ކަންކަމާއި މެދު ވިސްނާލަމާ ހިނގާށެވެ. 

advertisement

ސްޓްރެސް ގުޅިފައިވަނީ ނެގެޓިވް ތަޖުރިބާތަކާ ކަމުން ގިނަ ފަހަރަށް މީހުން ހައިރާންވަނީ ޕޮސިޓިވް ނުވަތަ ހިތްހަމަޖެހޭ ކަމަކުންވެސް ތިމާއަށް ސްޓްރެސް ވެދާނެކަމަށް ގަބޫލުކުރަން ދަތިވެދާނެއެވެ. ކުރިއަށް އަންނަން އޮތް އުފާވެރިކަމެއް، ނުވަތަ ފަށަންއުޅޭ ކަމަކާއި ގުޅޭގޮތުން ވިސްނުމުންވެސް ސްޓްރެސްވެދާނެއެވެ. މީގެ އިތުރުން އުފާވެރި ކަމަކަށް ކުރާ އިންތިޒާރުންވެސް ސްޓްރެސްވެދާނެ އެވެ. 

މަސައްކަތުން ޗުއްޓީއަށް ދިއުމަކީ ނުވަތަ މަޖާ ކަމެއް ރޭވުމަކީ ކޮންމެވެސް މިންވަރަކަށް ސްޓްރެސް ބޮޑު ކަމަކަށް ވެދާނެއެވެ. ސަބަބަކީ އަހަރެމެން އެކަމަށް ވަރަށް ވިސްނާ މަސައްކަތަށް ފޯކަސް ކުރެވިފައި ހުރުމުންނެވެ. އެއީ ޕޮސިޓިވް ކަމެއް ވިޔަސް، އަޅުގަނޑުމެން ކުރަން ކަނޑައަޅާފައި ހުންނަ ކަންކަން ކުރަން ޕްރޮޑަކްޓިވް މަސައްކަތެއް ކުރިނަމަވެސް ސްޓްރެސް ވެދާނެއެވެ.  

ޓެންޝަން އަކީ މީހާ ސްޓްރެސް ކުރާ ކަމެއް ނަމަވެސް މީގެ މާނައަކީ އެއީ ނުބައި ކަމެއް ކަމުގައި ނުވަތަ މި ބާވަތުގެ ޓެންޝަނަކީ ހަމައެކަނި ނެގެޓިވް ކަންކަމަށް ޚާއްޞަ ކަމެއް ނޫނެވެ. އެއީ ޕޮޒިޓިވް ކަންކަމާ އެކު ވެސް ދިމާވެދާނެ ކަމެކެވެ.

މިއީ ރަނގަޅު ކަމަކާއި ގުޅިގެން އުފެދޭ ސްޓްރެސްއާ ބެހޭ ގޮތުން ވިސްނަން ޖެހޭ ބައެއް ކަންކަމާއި އެފަދަ ކަންކަން މެދުވެރިވާ ބައެއް ކަންތަކެވެ.

ރަނގަޅު ސްޓްރެސް އަށް ޓެކްނިކަލް ނަމެއް ދީފައިވޭ

ރަނގަޅު ސްޓްރެސް އަކީ އާ ޚިޔާލެއް ނުވަތަ އާ ކަމެއް ނޫނެވެ. އެފަދަ ސްޓްރެސް އަށް ކިޔަނީ “ޔޫސްޓްރެސް” އެވެ. ޔޫސްޓްރެސް މާނަކުރަނީ “ސިއްހަތާއި، މޮޓިވޭޝަން، ޕާފޯމަންސް، އަދި އިމޯޝަނަލް ވެލްބީން އަށް ފައިދާހުރި ހެޔޮ އަސަރުތަކެއް ކުރާ ސްޓްރެސްގެ އެއްގެ ގޮތުގައެވެ.

ރަނގަޅުކަމެއް ނުވަތަ ނުރަނގަޅު ކަމެއް ވިޔަސް އެއް ކުރެވެނީ އެއް އިހްސާސްތަކެއް

ދެނަގަނަންންޖެހޭ ކަމަކީ އުފާވެރިކަމާއި ގުޅީގެންވެސް އެ އުފެދެނީ ޓެންޝަން ކަމެވެ. އެކަމުގެ ފޯރީގައެވެ.  މިސާލަކަށް، އުފަންދުވަހު ކަމުދާ ކުޅޭ އެއްޗެއް ލިބުމުން އެލިބޭ ހައިރާންކަމުން އުފަލުން އެކުއްޖާ ހާސްކަން ބޮޑު ބޮޑު ހާލަތަކާއި ކުރިމަތިވެދާނެއެވެ. މުބާރާތެއް ގައި ބައިވެރިވެ އެއާއި ކުރިމަތިލާން ތައްޔާރުވާ ކުއްޖެއްގެ ވެސް ހާސްކަން ބޮޑުވާނެއެވެ.  ތިމާ އެންމެ ގަޔާވާ ކުޅިވަރު ޓީމު ވާދަކުރާތަން ބަލަން ހުންނައިރު ތިމާގެ ހަށިގަނޑަށް އިހުސާސް ކުރެވޭ ގޮތަށް ވިސްނާށެވެ. އުފާކުރަމުން ދިޔަޔަސް މަސްތައް ޓެންޝަން ވެފައި، ހިތުގެ ހިނގުން ކޮންމެވެސް ވަރަކަށް މަތިވެ، އެކަމާއި ގަޔާވެގެން ހުންނަ ވަގުތު ހަށިގަނޑަށް އަންނަ ބަދަލުން ސްޓްރެސް ބޮޑުވާނެއެވެ. މިއީވެސް ސްޓްރެސް އެވެ. 

ހާލަތު ޕޮޒިޓިވް ގޮތުގައި ދެކުމަކީ ސްޓްރެސް ޕޮޒިޓިވްކޮށް ބެހެއްޓުމުގެ އެންމެ މުހިންމު އެއްގޮތެވެ. ޕޮޒިޓިވް ސްޓްރެސް ގުޅިފައިވަނީ ޕޮޒިޓިވް ނަތީޖާއަކަށް ދިއުމަށް މަސައްކަތްކުރާފަދައިން ސްޓްރެސް ބޭނުންތެރި ކަމަށް ދެކުމެވެ. ޗުއްޓީއެއް ރޭވުމާއި، ވަކި ނަތީޖާއެއް ހާސިލްކުރުމަށް ބުރަކޮށް މަސައްކަތް ކުރުމާއި، ރަނގަޅު ހާލަތަކަށް އެޑްޖަސްޓް ވުމަކީ ހެޔޮ ލަނޑަކަށް ނުވަތަ ނަތީޖާއަކަށް ވާސިލްވުމަށް މަސައްކަތް ކުރުމެވެ. އެކަމަށް މަސައްކަތްކުރާއިރު ޕްރެޝަރު ހުރި ނަމަވެސް، އެދެވޭ ނަތީޖާއަށް ފޯކަސްކޮށްގެން ކުރިއަށް ދިއުމަކީ ސްޓްރެސް ޕޮޒިޓިވްކޮށް ނެގުމެވެ. 

ސްޓްރެސް ޕޮޒިޓިވް ނުވަތަ ނެގެޓިވް ކުރާ ކަންކަމަކީ ކޮން ކަމެއްތޯ ބެލުމަށް ވުރެ ބޮޑަށް ތިބާ އެކަމާ މެދު ވިސްނާ ގޮތާ ގުޅުން ހުރި މުހިންމީ ތިމާ އެކަމާއި މެދު ވިސްނާގޮތް ބަދަލުކޮށް އެކަމުގެ ކޮންޓްރޯލް އަމިއްލައަށް ނެގުމެވެ. 

ދިރާސާތަކުން ދައްކާ ގޮތުގައި ސްޓްރެސްއާ ގުޅޭ ގޮތުން ޕޮޒިޓިވްކޮށް ވިސްނާވަރަކަށް ސްޓްރެސް އާއި ޑީލްކުރެވޭގޮތަށް ރަނގަޅުވާނެއެވެ. އަދި ސްޓްރެސް އާއި ދުރުވުމަށް ރަނގަޅަށް މަސައްކަތް ކުރެވޭނެއެވެ. ހެޔޮ ބަދަލެއް ފެންނާނެއެވެ.