ޓެކްނޮލޮޖީގެ ޒަމާނެއްގައި ދަރިން ތަރުބިއްޔަތުކުރާނެ ގޮތްތައް

ޓެކްނޮލޮޖީގެ ސަބަބުން އަހަރެމެން ދިރިއުޅުމަށާއި މަސައްކަތްކުރާ ގޮތާއި، މީހުންނާއި މުއާމަލާތްކުރާ ގޮތަށް ވަނީ ބޮޑު ބަދަލެއް އައިސްފައެވެ. އެކަމުގެ ސަބަބުން ވަނީ ގޮންޖެހުންތަކެއްވެސް ކުރިމަތިވެފައިވެއެވެ. 

ހާއްސަކޮށް ދާ ކޮންމެ ތަނަކުންވެސް ސްކްރީންތައް ފެންނަ ތަނެއްގައި ކުދިން ތަރުބިއްޔަތު ކުރުމަށް ބެލެނިވެރިންނަށް ވަނީ ގޮންޖެހުންތަކެއް ކުރިމަތިވެފައެވެ. ސްމާޓްފޯނާއި ޓެބްލެޓްތަކުން ފެށިގެން ގޭމިން ކޮންސޯލްތަކާއި ސޯޝަލް މީޑިއާ ޕްލެޓްފޯމްތަކާ ހަމައަށް ޓެކްނޮލޮޖީ ބޭނުންކުރާއިރު އެ ހުރިހާ ކަމެއް ކުރިއަށް ގެންދާނެ ގޮތެއް ހޯދުމަކީ އުނދަގޫ ކަމަކަށް ވެދާނެ އެވެ.

advertisement

 މި ލިޔުމުގައި ޓެކްނޮލޮޖީގެ ދުނިޔޭގައި ކުދިން ތަރުބިއްޔަތުކުރުމުގައި ބެލެހެއްޓުން މުހިންމު ބައެއް ކަންކަމަށް ބަލާލާނަމެވެ.

• ވަކި މިންގަނޑެއް ކަނޑައެޅުން – ބެލެނިވެރިންނަށް ކުރެވޭނެ އެންމެ މުހިންމު އެއްކަމަކީ ޓެކްނޮލޮޖީ ބޭނުންކުރުމުގެ ކުދިންނަށް ކުރެވޭނެ ކަންކަން ވަކި މިންގަނޑެއްގައި ހިފެހެއްޓުމެވެ. މީގެ ތެރޭގައި ސްކްރީން ޓައިމް މަދުކުރުމާއި، ގޭގައި ބޭނުންކުރެވޭނެ ތަންތަން ކަނޑައެޅުމާއި، ވަކި އެޕްތަކާއި ވެބްސައިޓްތަކަށް ވަދެވޭގޮތް ހެދުން ހިމެނެއެވެ. 

• އިންޓަނެޓް ބޭނުންކާއިރު ރަނގަޅު ކަންކަން ކުރުމަށް ހިތްވަރު ދިނުން – ޓެކްނޮލޮޖީގެ ބޭނުން ރައްކާތެރިކަމާއި ޒިންމާދާރު ގޮތެއްގައި ކުދިންނަށް ދަސްކޮށްދޭށެވެ. މާނައަކީ ސައިބަރ ބުލީ ކުރުމާއި، އޮންލައިން ޕްރިޑޭޓަރުންނާއި، ނޭދެވޭ ލިޔުމާއި، ފޮޓޯ އަދި ވީޑިއޯ އަށް ހުށަހެޅުން ފަދަ އިންޓަނެޓްގެ ސަބަބުން ކުރިމަތިވެދާނެ ނުރައްކާތަކާ ބެހޭގޮތުން ކުދިންނަށް ކިޔައިދޭށެވެ.
• އުނގެނުން އިތުރުކުރުމަށް ޓެކްނޮލޮޖީ ބޭނުންކުރުން – ޓެކްނޮލޮޖީއަކީ އުނގެނުމާއި އެކަމަށް ބޭނުންވާ އެކި އެކި އިލްމީ މައުލޫމާތު ހޯދުމަށް މުހިންމު ވަސީލަތެކެވެ.  ތައުލީމީ އެޕްތަކާއި ގޭމްތައް ހޯދައި، އޮންލައިންކޮށްޝައުގުވެރިވާ އާ ކަންކަން ހޯދުމަށް ހިތްވަރުދެވިދާނެއެވެ. 
• ކުދިން ކުރާ ކަންކަން ދެނަގަނެގެން ތިބުން – މައިންބަފައިން ކުދިން އޮންލައިންކޮށް ކުރާ ކަންތައްތަކަށް ހޭލުންތެރިވުމާއި، އެމީހުންގެ ހަރަކާތްތައް މޮނިޓަރކުރުމާއި، ކުރިމަތިވެދާނެ ކަންބޮޑުވުންތަކާއި ނުވަތަ މައްސަލަތަކާ ބެހޭގޮތުން ވާހަކަ ދައްކަން ތައްޔާރަށް ތިބޭށެވެ.

ޓެކްނޮލޮޖީގެ ދުނިޔޭގައި ބެލެނިވެރިކަމަކީ ގޮންޖެހުންތަކެއް ހުރި ކަމެއް ނަމަވެސް އެއީ މުހިންމު އެތައް ފުރުސަތެއްވެސް ވެސް ތަނަވަސް ވެފައިވާ ކަމެކެވެ. ވަކި ޙައްދުތައް ކަނޑައަޅައި، އޮންލައިންކޮށް ކުރަންވާ ކަންކަން ބުނެދީ އުނގެނުން އިތުރުކުރުމަށް ޓެކްނޮލޮޖީ ހެޔޮގޮތުގައި ބޭނުންކުރެވިދާނެއެވެ. މުހިންމު ކަމަކީ ބެލެނިވެރިން ކުރިން ކުރާ ކަންކަމަށް ފާރަވެރިވެ ކުދިންނާއި އަބަދުވެސް ކަންކަން މަޝްވަރާކޮށް ކުރިއަށް ދިއުމެވެ.