ނޮއިސް ޕޮލިޔުޝަންގެ ސަބަބުން ނިކުންނަ ބައެއް ސިއްހީ މައްސަލަތައް

އަޑުތަގައްޔަރުވަނީ ނުވަތަ ނޮއިސް ޕޮލިއުޝަން އަކީ އެ މާހައުލެއްގެ ތެރެއަށް ބޭނުންނުވާ އިތުރު އަޑުތައް ވަދެ އުނދަގޫވާވަރަށް އެއަޑުހުރުމެވެ. މިގޮތަށް އަޑުތަޢައްޔަރުވުމުން މީހާގެ ހާސްކަން ބޮޑުވެ، ނިދަން އުންދަގޫވެ ކަންފަތުގެ އަޑުއިވުމަށް އަސަރު ކުރެއެވެ.

އަޑުތަޢައްޔަރުވާ ބައެއް ކަންކަމުގެ ތެރޭގައި:

advertisement

• އިމާރާތްކުރުމުގެ މަސައްކަތް ކުރުން
• ވެހިކަލް ތަކުގެ އަޑު
• މީހުން ގިނަތަންތަން

• ކޮންސެޓް
• މަތިންދާބޯޓް

މީހާ ދިރިއުޅޭ މާހައުލުގައި އަބަދުވެސް ކޮންމެވެސް އަޑެއް  ހުންނާނެއެވެ. ގުދުރަތީ ގޮތުން ހުންނަ އަޑުތަކާއި ވަށައިގެންވާ މާހައުލުގެ ގޮތުން އިވޭ އަޑުތަކެވެ. އެހެން ނަމަވެސް ބޭނުންނުވާ އަޑުތައް އިވުމުން މީހާއަށް އެކަމުގެ އުނދަގޫވެ މީހާއަށް ނަފްސާނީގޮތުންވެސް އުނަދަގޫކުރިމަތިވެއެވެ. 

ނިދަން އުނދަގޫވުމާއި ، މީހާއަށް އުނދަގޫވާ އަޑުތަކުގެ ސަބަބުން ބޮލުގައި ރިއްސުމާއި ސްޓްރެސް ބޮޑުވެއެވެ. އެހެން ކަމުން ވަށައިގެން އިވޭ އަޑުތަކާއި ހެދީއުނދަގޫވެ ހަމަ ނިދި ނުލިބުމާއި މާއަވަހަށް ހޭލަން ޖެހުމުގެ ސަބަބުން ނަފްސާނީ ގޮތުން މީހާއަށް ގެއްލުނވެއެވެ.

މީގެ އިތުރުން މީހާއަށް ޖިސްމާނީގޮތުންވެސް ގެއްލުންވެއެވެ. މާއަޑުގަދަ ތަންތަނުގައި ދިރިއުޅުމުން ކަންފަތުގެ އިވުމަށް ދަތިވުމާއި މާބާރަށް ވާހަކަދެއްކޭނެއެވެ. މީގެ އިތުރުންވެސް ކުރެވިފައިވާ ބައެއް ދިރާސާތަކުން ދައްކާގޮތުން މާއަޑުގަދަ ތަންތަނުގައި ދިރިއުޅޭ މީހުންގެ ލޭގެ ޕްރެޝަރ މަތިވުމުގެ ފުރުސަތުވެސް އޮވެއެވެ. އަދި މާބަނޑު މީހުންނަށް ވެސް ލޭމައްޗަށް ދިއުމުގެ ފުރުސަތު އަޑު ގަދަ ތަންތަނުގައި އުޅޭ މީހުނަށް ކުރިމަތިވާކަމަށް ދިރާސާތަކުން ދައްކައެވެ.

އެހެން ދިރާސާއެއްގައިވާ ގޮތުން ކުޑަކުދިންނަށް ވެސް މިކަމުގެ އަސަރު ކުރެއެވެ. ދުވާލަކު 8 ގަޑިއިރަށް މާ އަޑުގަދަ ތަންތަނުގައި އުޅޭކުދިންނަށް ކަންފަތުގެ އަޑުއިވުން އެއްކޮށް ދިއުމުގެ ފުރުސަތުބޮޑެވެ. މިއީ ކުއްކާ ހެދިބޮޑުވަމުން އަންނަ އުމުރުންފެށިގެން ޕްރީސްކޫލަށް ދާ އުމުރާއި ހަމައަށް ކުރިމަތިވެދާނެކަމެކެވެ. އަދި މިއީ ކުދިންނަށް ސްކޫލްގައި އަދި ގޭގައި ކިޔެވުމަށްވެސް އެކަމުގެ ނޭދެވޭ އަސަރުކުރާކަމެކެވެ. އެގޮތުން ކުދިންނަށް ކަންކަމަށް ކަނުލައި އަޑުއަހަން އުނދަގޫވުމާއި، ވާހަކަ ދައްކަން އުނދަގޫވުން ހިމެނެއެވެ.

އެހެން ކަމުން އަޑުގަދަ ތަންތަނަށް މީހާ ހުށަހެޅުމަކީ އާއްމު ސިއްޙަތަށް ގެއްލުންހުރި ކަމެއް ކަމުން މިކަންކަމުން ދުރުވުމަށް އަމިއްލައަށް މަސައްކަތް ކުރުމަކީ މުހިންމުކަމެކެވެ. އެގޮތުން ކަންފަތުގެ އިވުމަށް އެއްވެސް އަސަރެއްކޮށްފައިވޭތޯ ބެލުމަށް ޑޮކްޓަރަށް ދެއްކުމަކީ މުހިންމުކަމެކެވެ. އަދި ވީހާވެސް އަޑުމަޑުކޮށް ތިމާއުޅޭ މާހައުލު އަމިއްލައަށް ކުރެވެން އޮތް ކޮންޓްރޯލެއް ކުރުމަކީ މުހިންމުކަމެކެވެ.