އޮފީހަށް ގޮސް، ދަރިން ޑޭކެއަރ އަށް ގެންދާ ބެލެނިވެރިންގެ ހަލަބޮލި ދިރިއުޅުން

ހީނާ ކޮންމެ ދުވަހަކު ހެނދުނު 05:30 ހުގައި ހޭލައިގެން އޭނާގެ 4 އަހަރުގެ ދަރިފުޅު ސްކޫލަށް ގެންދަން އަދި ޑޭކެއަރ އަށް ގެންދަން ތައްޔާރުކުރެއެވެ. ޑޭ ކެއަރ އަށް ގެންދާ ދަބަހަށް މެންދުރުގެ ކެއުމާއި ބައެއް ސްނެކްސް އަދި ހެދުން ފަދަ ތަކެތި އަޅައެވެ ސްކޫލް ދަބަހަށް ސްކޫލްގެ އިންޓަވަލް އަދި ފޮތްތައް ލައެވެ.

އޭނާއަކީ އެކަނިވެރި މައެކެވެ. ބައެއް ދުވަހު ދަރިފުޅުގެ ބައްޕަ އޭނަ ސްކޫލަށް ގެންދައެވެ. ބައްޕައެއް ނުގެންދެވޭ ދުވަހެއްނަމަ ހީނާ ދާނީ ދަރިފުޅުގޮވައިގެން އޮފީހަށް ގަޑިޖެހުމުގެ ކުރިން ސައިން އިން ކުރާށެވެ. ދެން ހަމަ އެގަޑިއަށް ދަރިފުޅު ސްކޫލަށް ގެންދައެވެ.

advertisement

ހީނާ ގެ އޮފީސް ހުޅުމާލެއަށް ބަދަލުކުރުމުން ދަރިފުޅުވެސް މިހާރު ހުޅުމާލޭ ސްކޫލަކަށް ބަދަލުކޮށް ޑޭކެއަރވެސް ހުޅުމާލެއަށް ބަދަލުކުރީއެވެ. އެހެން ނޫންނަމަ އޮފީހުގައި ހުރެފައި އަނެއްކާ މާލެ ގޮސް ދަރިފުޅު ސްކޫލަށް ގެންގޮސް ނަލާ އަދި އަނެއްކާ ދޭކެއަރ އަށްގެންދަންޖެހުން ބުރައަކަށްވީމައެވެ.

މިހާރު ހުޅުމާލޭގައި ސްކޫލާއި ޑޭކެއަރ ހުޅުމާލެއަށް ބަދަލުކުރުމުން ހީނާ އަށް އޮފީހުން ބޭރުގައި އުޅެންޖެހޭ ވަގުތު މަދުވާނެއެވެ. ތެޅިފޮޅެންޖެހޭ ވަރު ކުޑަވާނެއެވެ.

މިއީ އޮފީހަށް ގޮސް ދަރިން ޑޭކެއަރ އަށް ގެންދާ ބެލެނިވެރިން އުޅެންޖެހޭ ހަލަބޮލިކަމުގެ ކުޑަމިންވަރެކެވެ.

ގިނަ މީހުންނަކީ މާމަ ، ކާފަ ނުވަތަ ބޮޑުބޭބެ އަދި ބޮޑުދައިތައާއި އެކު އުޅޭބައެއް ނޫނެވެ. ނުވަތަ އައިލާގެ އެންމެގެ ސަޕޯޓް މިދަފަ ކަންކަމުގައި ލިބޭބައެއް ނޫނެވެ. ސަބަބަކީ އެންމެގެން ދިރިއުޅުން ބިޒީ ވުމެވެ. އާމުދަނީ ހޯދަން އެންމެން މަސައްކަތްކުރަންޖެހުމެވެ. ނޫނީ ދިރިއުޅުމުގެ ކަންކަމަށް މާލީ ގޮތުން ބުރަވުމެވެ.

ކުޑަކުދިން ބަލަހައްޓާ ޚަރަދު ބޮޑުވުން

ޑޭކެއަރ އަކަށް ދަރިން ގެންދިއުމަކީވެސް މާލީގޮތުންވެސް ބުރަކަމެކެވެ. ސިވިލްސަރވިސް ގައި މަސައްކަތް ކުރާމީހަކަށް މިކަން ވަރަށް ރަނގަޅަށް އެނގޭނެއެވެ. ލިބޭ އާމްދަނީގެ ބޮޑު ޕަސެންޓެއް ހަމައެކަނި މިކަމަށް ދާނެއެވެ.

ރާއްޖޭގައި ޑޭކެއަރ އަކަށް ނުގެންދިޔަ ނަމަވެސް، އާއިލާގެ ސަޕޯޓް ލިބޭމީހަކު ކޮންމެވެސް އާއިލާމީހަކާއި ދަރިފުޅު ހަވާލުކުރެއެވެ. އެއީ އިތުބާރުކުރެވޭ މީހަކާއި ހަވާލުކުރުމަށެވެ. އެހެން ކަމުން އެމީހާއަށް ވެސް ކޮންމެވެސް އެއްޗެއް ދެއެވެ. ނުދެވޭ މީހުންވެސް ތިބެދާނެއެވެ.

ގިނަމައިން ވަޒީފާ ދޫކޮށްލާ

ބައެއް އާއިލާތަކުގެ ނަސީބު ރަނގަޅުކަމުން ކާފަ އާއި މާމަ ނުވަތަ އެހެން ގާތްތިމާގެ މީހުން ދަރިފުޅުގެ ކަންކަން ބަލައިދެއެވެ. އެހެން ނަމަވެސް ދެމަފިރިން މަސައްކަތްކޮށްގެން ލިބޭ އާމްދަނީން ދިރިއުޅުމުގެ ހުރިހާ ކަންކަން ހަމަޖައްސަންޖެހޭ މީހުންނަށް އެކަންކަން ބެލެންސްކުރަން އުނދަގޫވާނެއެވެ. 

އެހެންވުމުން ދަރިފުޅު ބަލަން ގޭގައި މަންމަ މަޑުކުރަން މަޖުބޫރުވެއެވެ. މިއީ ދެމަފިރިން އެކުގައި ދިރިއުޅޭ މީހުންނަށްވެސް ދަތިކަމެކެވެ. ފައިސާ އާއި އާއިލާގެ ސަޕޯޓް ބޭނުންވުމެވެ. ވަޒީފާއަށް ދަމުން ދަރިން ބަލަން އެހެން މީހުންގެ ސަޕޯޓްބޭނުންވާ ގޮތަށް ޑޭ ކެއަރ އަށް ގެންދަން ފައިސާވެސް އިތުރަށް ބޭނުންވެއެވެ.

އޮފީހުން ދިގުމުއްދަތަށް ލީވް ހޯދަން ބައެއް ތަންތަނުން އުނދަގޫވާނެއެވެ. މިހަރު ސަރުކާރު މުވައްޒަފުންނަށް 6 މަސްދުވަހުގެ ޗުއްޓީ ވިހައިގެން ލިބެއެވެ. މިވެސް ބޮޑު ލުޔެކެވެ. ސަރުކާރުގެ ބައެއް އޮފީސްތަކުގައި ވެސް މިހާރު ޑޭކެއަރގެ ހިދުމަތް ލިބެއެވެ.

މިކަން ރަނގަޅު ގޮތުގައި މެނޭޖް ކުރަންޖެހެއެވެ. އަމިއްލަ ޑޭކެއަރ ހިންގާ މީޙުން ގެންގުޅޭމުވައްޒަފުންނަށް މުސާރަދެވޭނީ އެތަނަށް ލިބޭއެއްޗަކުންނެވެ. އެހެން ކަމުން މިކަން ހިންގާ އަމިއްލަ ފަރާތްތަކަށްވެސް ކޮންމެވެސް ވަރެއްގެ އެހީތެރިކަން އެބަބޭނުންވެއެވެ. 

އެއީ އެމީހުންގެ ވިޔަފާރިއަށް ކޮންމެވެސް ވަރެއްގެ ސަބްސިޑީއެއްވެސް ދެވިދާނެއެވެ. އޭރުން އެތަނުން ނަގާފީ ކުޑަކުރެވިދާނެއެވެ. އޭރުން މިއީ އެންމެނަށް މި ޚިދުމަތް ލިބޭނެ ފަދަ އަގެއްގައިދޭ ޚިދުމަތަކަށް ހެދިދާނެއެވެ. އަދި ސަރުކާރުން އެމީހުންގެ މަސައްކަތް ރެގިއުލޭޓްކުރެވިދާނެއެވެ. ކުދިންގެ ރައްކާތެރިކަން ކަށަވަރުކުރަންވާނެއެވެ. އެކުދިން ބަލަހައްޓާ މީހުންގެ ފެންވަރުވެސް ބެލެންވާނެއެވެ.

އޭރުން މީއީ ކުދިން އެއްތަނުން އަނެއްތަނައް ގެންދާ ބެލެނެވެރިންނަށް ލުއެކެވެ