ކުޑަކުދިންގެ ކަންފަތުގެ އިންފެކްޝަނެއް ހެދުމުގެ އަލާމާތްތައް

އަހަރެންގެ 8 މަހުގެ ދަރިފުޅު ނިންދަވަން އުޅެ ނުނިދާ ރޮއެ ކަންފަތުގައި އަތްއަޅަ ދަމައިގަތެވެ. އަދި އެވަގުތު ކުކުރެންފެށިގޮތުން އަހަރެންނަށް ސުވާލުތަކެއް އުފެދުނެވެ. ކަންފަތުގައި ރިއްސުން، މާބޮޑަށް ވަރުބަލިވުން ނޫނީ ދަތްފަޅަން އުޅޭތީ އުނދަގޫތަކެއް ކުރިމަތިވާނީތޯ ހިތައްއެރިއެވެ. ރައްޓެހި ޑޮކްޓަރަކަށް ގުޅުމުން ޑޮކްޓަރަށް ދައްކަން ކްލިނިކަށް ގެންދަން ބުންޏެވެ.

ކުޑަކުދިންގެ ޑޮކްޓަރަށް ދައްކަން ދިއުމުން ކަންފަތުގައި އިންފެކްޝަނެއް ނެތްކަން ޔަގީންވިއެވެ. އެހެން ނަމަވެސް އަހަރެން ހިތައްއެރިއެވެ. ކޮންމެ ފަހަރަކު ކަންފަތުގައި އަތްއަޅައިގެން ރޯން ފެށުމުން އެއީ ކަންފަތުގެ ކަމެއްކަމަށް ހީކުރަންވީ ހެއްޔެވެ. އެހެން ކަމުން އަހަރެން ބަލާ ދިރާސާކުރީމެވެ.

advertisement

ކުޑަކުދިންނާއި ތުއްތުކުދިން ހުންއައިސް އެއްކޮށް ރަނގަޅުވަންދެން ކަންފަތަށް އެއްވެސް ކަމެއްދިމާވޭތޯ ބަލަންވާނެއެވެ.  ތުއްތު ކުދިންނަކީ އެކުދިންނަށް ކުރެވޭ އިހްސާސް ބުނެދޭން ނޭނގޭބަޔަކަށްވާތީ އެކުދިންނަށް ތަނަކަށް ތަދުވިޔަސް ނޭނގޭނެއެވެ.

ދިރާސާތަކުން ދައްކާގޮތުން ތުއްތުކުދިން ކަންފަތުގައި އިންފެކްޝަން ހެދިއްޖެ ނަމަ ހުން އައިސް  38 ޑިގްރީ ސެލްސިއަސްއަށް އަރާނެއެވެ.

• ކަންފަތުގައި ރިއްސުން – އެމެރިކަން އެކަޑަމީ އޮފް ޕީޑިއަޓްރިކްސް އިން ބުނާ ގޮތުގައި ކަންފަތުގައި އިންފެކްޝަން ޖެހުމަކީ ތަދުވާ ކަމެއް ކަމުން ތުއްތު ކުއްޖާ ނުވަތަ ކުޑަކުއްޖާ ކަރުނަ އަންނަވަރަށް ރޮއެ ރުޅިގަދަވެގެން އުޅުމަކީ އަލާމާތެކެވެ. އަދި އޮޝާވެގެން އޮންނައިރު އިރުތަށް ދަތުވާނެތީ އެނދުގައި ނުވަތަ ތަނެއްގައި ބާއްވައިފިނަމަ އިތުރަށް ރޯނެއެވެ. ސަބަބަކީ ކަންފަތަށް ޕްރެޝަރ ބޮޑުވުމެވެ.
•  ނިދަން އުނދަގޫވުން – ނިދަން އުނދަގޫވުމަކީވެސް ކަންފަތުގައި އިންފެކްޝަނެއް ހުރިކަމުގެ ނިޝާނެކެވެ. ސަބަބަކީ ކަންފަތުގެ ރިއްސުން ގަދަވެ އެތެރޭގައި ޕްރެޝަރ ބޮޑުވެގެންނެވެ.  އަދި ވަކިން ޚާއްސަކޮށް މުޅިދުވަހު އެކިކަންކަމުގައި ބިޒީކޮށް އުޅޭކުދިން ރޭގަނޑު ނިދާވަގުތު ޖެހުމުން ކަންފަތުގައި ރިއްސާ އެކަމުގެ ޝަކުވާކުރާނެއެވެ. އަދި ރޭގަނޑު ނިދުމަށްފަހުވެސް ދަންވަރު ކަންފަތުގައި ރިއްސާތީ ހޭވެސް ލެވޭނެއެވެ.
•  ހުންއައުން – ހުން އައިސް ހުރުމަކީ އެކުދިންގެ ދިފާއީ ނިޒާމު އިންފެކްޝަނާ ދެކޮޅަށް މަސައްކަތް ކުރަމުންދާކަމުގެ ނިޝާނެކެވެ. ކަންފަތުގައި އިންފެކްޝަން ހުރިނަމަ އާއްމުކޮށް 38 ޑިގްރީ އާއި 40 ޑިގްރީއަށް ހުންއަރާނެއެވެ.
•  އަޑުއިވުމަށް ދަތިވުން – ކަންފަތުގައި އިންފެކްޝަން އުފެދުމުން، ކަންފަތަށް އަޑުއިވުމުގައި ދަތިކަން ފާހަގަކުރެވޭނެއެވެ. އެއީ ކަންފަތުގައި ފެން އުފެދި ވަށައިގެން އާއްމުކޮށް އިވޭ އަޑުތައް ބްލޮކްވުމުގެ ސަބަބުންނެވެ. އެހެން ނަމަވެސް އިންފެކްޝަން ރަނގަޅުވުމުން ކަންފަތުގައި ހެދިފައިވާ ފެން ދިއުމުން އަންބުރާ ކުރިން އަޑުއިވޭގޮތަށް އެއްވެސް ދަތިކަމެއް ނެތިއަޑުއިވޭނެއެވެ.

މިއިން އެއްވެސް ކަމެއް ފެނިގެންވެސް ތިމާއަށް އެކަން ޔަގީންނުވާނަމަ އަބަދުވެސް ކުޑަކުދިންގެ ޑޮކްޓަރެއްގެ ލަފާހޯދުން ވަރަށް މުހިންމެވެ. އަދި މީގެ އިތުރުންވެސް ކަންފަތުން އެއްވެސް ކަހަލަ ދިޔާއެއްޗެއް އަންނަނަމަ ޑޮކްޓަރަށް ދައްކާށެވެ. އޭރުން ޑޮކްތަރުގެ ލަފައާއި އެއްކު އެންޓިބައޯޓިކް އަދި އެހެން އެއްވެސް ބޭހެއް ދޭނަމަ އެބޭސް ރަނގަޅަށް ބޭނުންކުރުން މުހިންމެވެ.