ބައިނަލްއަޤްވާމީ މައްސަލަތަކުގައި ގުޅިގެން މަސައްކަތްކުރުމަށް މަޝްވަރާކޮށްފި

• ބައިނަލްއަޤުވާމީ މައިދާނުގައި ރާއްޖެއާއި ޗައިނާގެ ކަންބޮޑުވުން ހުރި މައްސަލަތަކުގައި ގުޅިގެން މަސައްކަތްކުރުމާއި ގުޅޭގޮތުން މަޝްވަރާކޮށްފި
• ރައީސުލްޖުމްހޫރިއްޔާގެ ވާހަކައިގައި ވަނީ، ރާއްޖޭގެ އިޤުތިޞާދީ އަދި އިޖުތިމާޢީ ކުރިއެރުމަށް ޗައިނާ ސަރުކާރުން ދެމުން ގެންދާ އެހީތެރިކަމަށް ޝުކުރު އަދާކޮށްފައި

ހޯރަފުށީ އެއަރޕޯޓްގައި ލައިޓު ހަރުކޮށް ރޭގަނޑުގެ ދަތުރުތައް ފަށަނީ

• ހޯރަފުށީ އެއަރޕޯޓްގައި ލައިޓު ހަރުކޮށް ނިންމާ، އެ އެއަރޕޯޓަށް ރޭގަނޑު ފްލައިޓް ޖެއްސޭނެ އިންތިޒާމް ހަމަޖައްސާނެކަމަށް ރީޖަނަލް އެއަރޕޯޓްސް ކުންފުނިން ބުނެފި 
• ހޯރަފުށީ އެއަރޕޯޓްގައި ލައިޓް ހަރުކުރުމަށް ބޭނުންވާ ސާމާނު އެރަށަށް ގެންގޮސްފައިވަނީ މިދިޔަ ހުކުރު ދުވަހު

ނަތީޖާ ރަނގަޅުކުރުމަށް އަތޮޅުތަކުގެ ސްކޫލްތަކުން ކުރާ މަސައްކަތްތަކަށް ނައިބު ރައީސްގެ ޝުކުރު

‘މަތީ އަރުތަވެރީންގެ އިނާމު2021-2022‘ ޖަލްސާގައި ބައިވެރިވުމަށް މާލެ ވަޑައިގެންނެވި ސްކޫލްތަކުގެ އިސްވެރީންނާ، ނައިބު ރައީސް @FaisalNasym ބައްދަލުކުރެއްވުން. pic.twitter.com/zJceGXm9Qk— Ministry of Education (@MoEdumv) May 20, 2023

• އަތޮޅުތަކުގެ ސްކޫލްތަކުގައި ކިޔަވާ ދަރިވަރުންގެ ނަތީޖާ ރަނގަޅުކުރުމަށް ސްކޫލްތަކުން ކުރައްވާ މަސައްކަތްތައް ފާހަގަކުރައްވާ ނައިބު ރައީސް ޝުކުރު އަދާކޮށްފި
• މިއަހަރަކީ މިހާތަނަށް އޯލެވެލް އިމްތިހާނުގައި އެންމެ ގިނަ ދަރިވަރުން، ގަދަ 10ގައި ހިމެނި “މަތީ އަރުތަވެރިންގެ އިނާމު” ހާސިލްކުރި ފަހަރު

ދުނިޔޭގެ އެންމެ ފުރަތަމަ ޔުނިވަރސިޓީއަށް އިސްލާމިކް މިނިސްޓަރ ޒިޔާރަތްކޮށްފި

މޮރޮކޯއަށް ކުރައްވާ ރަސްމީ ދަތުރުފުޅުގައި އިސްލާމިކް މިނިސްޓަރ ދުނިޔޭގެ އެންމެ ފުރަތަމަ ޔުނިވާސިޓީ، ޖާމިޢަތުލް ޤަރަވިއްޔީނަށް ޒިޔާރަތް ކުރައްވާ ޔުނިވާސިޓީގެ ރައީސްއާއި ބައްދަލު ކުރައްވާ ޔުނިވާސިޓީއާއި ގުޅިގެން ކުރެވިދާނެ ކަންކަމާއި ބެހޭގޮތުން ވަނީ މަޝްވަރާކުރައްވާފަ pic.twitter.com/aim7EXtlhP

advertisement

— Ministry of Islamic Affairs (@MVIaffairs) May 21, 2023

• އިސްލާމިކް މިނިސްޓަރ ޑރ. އަޙްމަދު ޒާހިރު، މޮރޮކޯގައި ހުންނަ ދުނިޔޭގެ އެންމެ ފުރަތަމަ ޔުނިވަރސިޓީ، ޖާމިޢަތުލް ޤަރަވިއްޔީނަށް ޒިޔާރަތްކޮށްފި
• އިސްލާމިކް މިނިސްޓަރގެ މި ޒިޔާރަތަކީ އެމަނިކުފާނު މިހާރު މޮރޮކޯއަށް ކުރައްވަމުން ގެންދާ ރަސްމީ ދަތުރުގެ ތެރެއިން ކުރި ޒިޔާރަތެއް

ނަޝީދު އުފައްދަވާ އާ ޕާޓީގެ ތަރުޖަމާނަކަށް އަފްޝަން

• އެމްޑީޕީގެ ކުރީގެ ރައީސް މުހައްމަދު ނަޝީދު އިސްވެ ހުންނަވާ އުފައްދާ އާ ސިޔާސީ ޕާޓީގެ ތަރުޖަމާނަކަށް އެލްޖީއޭގެ ކުރީގެ ސީއީއޯ އަފްޝަން ލަތީފް ހަމަޖައްސައިފި
• އެކަން އިއުލާނުކޮށްފައި ވަނީ، އެ ޕާޓީގެ ކަންކަމުގައި އެންމެ އިސްކޮށް އުޅޭ ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ކުރި ޓްވީޓެއްގައި