އެންމެ ފާހަގަކުރެވޭ 100 ކުންފުނީގެ ތެރޭ މިއަހަރުވެސް އެމްޓީސީސީ

ފާއިތުވެދިޔަ އަހަރު ތެރޭ ވިޔަފާރީގެ ދާއިރާ އިން އެންމެ ބޮޑު ކުރިއެރުން ހޯދާފައިވާ 100 ކުންފުނީގެ ތެރޭ އެމްޓީސީސީ މިއަހަރުވެސް ހިމެނިއްޖެ އެވެ.

މިދިޔަ އަންގާރަ ދުވަހުގެ ރޭ ކްރޮސްރޯޑްސް މޯލްޑިވްސްގައި ބޭއްވި މި އަހަރުގެ ގޯލްޑް 100 ގާލާގައި އެމްޓީސީސީގެ ފަރާތުން އެވޯޑާ ހަވާލުވެވަޑައިގަތީ، އެމްޓީސީސީގެ ބިޒިނަސް ޑެވެލޮޕްމެންޓް އެންޑް އެޑްމިނިސްޓޮރޭޝަންގެ ޖެނެރަލް މެނޭޖަރ ޝިފާއު އަލީއެވެ. މިއީ އެމްޓީސީސީއިން މި އެވޯޑް ހާސިލްކުރި ހަތްވަނަ އަހަރެވެ. 

advertisement

ވޭތުވެދިޔަ 42 އަހަރުތެރޭ އެމްޓީސީސީން ވަނީ ރާއްޖޭގެ އެކި ކަންކޮޅުތަކުގައި ގިނަ މަޝްރޫއުތަކެއް ނިންމާފައެވެ. 1980 ވަނަ އަހަރު އެމްޓީސީސީ އުފެދުނީ ރާއްޖޭގެ ތަރައްގީގެ ދަތުރުގެ މުހިއްމު މަރުހަލާއެއްގައެވެ. ކުންފުނި އުފެދުނީއްސުރެ ރާއްޖޭގެ އުމްރާނީ ތަރައްގީ އާއި އިޖުތިމާއީ ވަސީލަތްތައް ބިނާކުރުމުގައި އެމްޓީސީސީން ވަނީ މުހިއްމު ދައުރެއް އަދާކޮށްފައެވެ.

ގޯލްޑް 100 އަކީ އެވޯޑަށް ކުރިމަތިލާ ކުންފުނިތައް ބެލުމަށްފަހު، ރާއްޖޭގައި އެންމެ ފާހަގަކުރެވޭ 100 ކުންފުންޏަކަށް ދޭ އެވޯޑެކެވެ. މިއީ މި އެވޯޑު ދިން ހަތް ވަނަ ފަހަރެވެ. މި ހަފްލާ ޝަރަފްވެރި ކޮށްދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމް އެވެ.