SDFC in dhookohfaivaa loanuthah dhehkun faskohdheefi.

އެސްޑީއެފްސީއިން ދޫކޮށްފައިވާ ލޯނުތައް ދެއްކުން ފަސްކުރުމަށް އެދުމުގެ ފުރުސަތު ހުޅުވާލައިފި އެވެ. މިއާއިއެކު އެ ބޭންކުން ނަގާފައިވާ ލޯނުތައް ދެއްކުމުގެ މުއްދަތު މިއަހަރުގެ ނިޔަލަށް ވަނީ ފަސްކޮށްދީފަ އެވެ.

އެސްޑީއެފްސީއިން ބުނީ ސެޕްޓެމްބަރު މަހުން ފެށިގެން ހަތަރު މަހަށް މޮރެޓޯރިއަމްގެ މުއްދަތު އިތުރުކޮށްދީފައިވާ ކަމަށެވެ. ލޯނުތައް ފަސްކުރަން ބޭނުންވާ ފަރާތްތަކަށް މި މަހުގެ 25 ގެ ނިޔަލަށް އެ ފުރުސަތު އެސްޑީއެފްސީން ވަނީ ހުޅުވާލާފައެވެ. އެހެންކަމުން ލޯނު ފަސްކުރަން ބޭނުންވާ ފަރާތްތަކުން މި މުއްދަތުގެ ކުރިން އެކަމަށް އެދި ހުށައަޅަންޖެހޭނެއެވެ. 

advertisement

މޮރެޓޯރިއަމްއަށް އެދުމަށް ހަމަޖެހިފައިވަނީ ކޯޕަރޭޝަންގެ ވެބްސައިޓް މެދުވެރިކޮށް އޮންލައިން ޕޯޓަލް މެދުވެރިކޮށެވެ. ކޯވިޑް19 އާއެކު އިގްތިސާދަށް އައިސްފައިވާ ހީނަރުކަމާ ގުޅިގެން އެސްޑީއެފްސީ އިން ވަނީ ކުދި އަދި މެދުފަންތީގެ ވިޔަފާރިތަކަށް ދޫކޮށްފައިވާ ލޯނުތަކާއި އޭގެ އިންޓްރެސްޓް އަނބުރާ ދެއްކުން ހަ މަސްދުވަހަށް ފަސްކޮށްދީފައެވެ. އަދި މި ހަ މަސްދުވަހުގެ އިންޓްރެސްޓް ރޭޓް ހަތަރު ޕަސެންޓަށް ވަނީ ކުޑަކޮށްދީފަ އެވެ.