Rediscover Maldives Webinarge Furathama Thin Session Ninmaalaifi

އެމްއެމްޕީއާރުސީން ކުރިއަށްގެންދާ ރީޑިސްކަވަރ މޯލްޑިވްސް ވެބިނަރގެ ފުރަތަމަ ތިން ސެޝަން ނިންމާލައިފިއެވެ.

“ރީޑިސްކަވަރ މޯލްޑިވްސް – ދަ ސަނި ސައިޑް އޮފް ލައިފް” ކެންޕެއިން އަކީ ދިވެހިރާއްޖޭގެ ބޯޑަރު ފަތުރުވެރިންނަށް އަލުން ހުޅުވާލުމާއިއެކު ފެށި ކެންޕެއިނެކެވެ. މި ކެންޕެއިންގެ ދަށުން ދިވެހިރާއްޖެއާއިމެދު ފަތުރުވެރިންގެ އިތުބާރު އިތުރުވެގެންދާނެކަމަށް އެމްއެމްޕީއާރުސީން ވިދާޅުވެއެވެ.

މި ކެންޕެއިން ފަށާފައިވަނީ މިމަހުގެ 1 ވަނަ ދުވަހުއެވެ. މި ވެބިނަރ ސީރީޒްގެ ފުރަތަމަ ސެޝަން މިމަހުގެ 1 ވަނަ ދުވަހު ބާއްވާފައިވަނީ މެދުއިރުމަތީގެ މާކެޓަށް އަމާޒުކޮށްގެންނެވެ. 2 ވަނަ ސެޝަން ބާއްވާފައިވަނީ މިމަހުގެ 8 ވަނަ ދުވަހު ޔޫރަޕާއި އެމެރިކާ މާކެޓަށް އަމާޒުކޮށްގެންނެވެ. ކެންޕެއިންގެ 3 ވަނަ ސެޝަން ބާއްވާފައިވަނީ އޭޝިޔާ ސަރަހައްދުގެ ޤައުމުތަކަށް ޚާއްސަކޮށްގެން މިމަހުގެ 10ވަނަ ދުވަހުއެވެ.

މި ވެބިނަރތަކުގެ އެންމެ ބޮޑު ބޭނުމަކީ ރާއްޖެއަކީ ދަތުރުކުރަން ރައްކާތެރި މަންޒިލެއްކަން ފަތުރުވެރިންނަށް ބުނެދިނުމެވެ. މި ވެބިނަރތަކުގައި އެމްއެމްޕީއާރުސީން ވަނީ ދިވެހިރާއްޖޭގައި ފަތުރުވެރިންނަށް ކުރެވެން ހުންނަ ޚާއްސަ ތަޖުރިބާތަކުގެ ކެންޕެއިނެއްވެސް ލޯންޗްކޮށްފައެވެ. “އަ ޑަޒަން މަސްޓް ޑޫ އެކްސްޕީރިއަންސަސް އިން މޯލްޑިވްސް” ގެ ނަމުގައި ލޯންޗްކުރި ކެންޕެއިނުގައި ހިމެނޭ ބައެއް ކަންކަމަކީ ފަތުރުވެރިންނަށް ހަމައެކަނި ދިވެހިރާއްޖޭގައި ތަޖުރިބާ ކުރެވޭނެ ކަންކަމެވެ. އޭގެތެރޭގައި ރާއްޖޭގެ ރައްތައްމަތިން ބަލާލުމާއި، ވޯޓާ ވިލާއެއްގައި ޗުއްޓީ ހޭދަކޮށްލުން ފަދަ ކަންކަން ހިމެނެއެވެ.

advertisement