ހުޅުމާލޭ ހޮސްޕިޓަލްގައި ކޯވިޑް19 އަށް ޓެސްޓްކުރެވޭނެ އިންތިޒާމް ހަމަޖައްސައިފި

ހުޅުމާލޭ ހޮސްޕިޓަލްގައި ކޯވިޑް19 އަށް ޓެސްޓްކުރެވޭނެ އިންތިޒާމް ހަމަޖައްސައިފިއެވެ. ސަރުކާރުން ދަނީ މާލެ ސަރަހައްދުގައި ކޯވިޑް-19 އަށް ޓެސްޓް ކުރުމުގެ އިންތިޒާމް ފުޅާކުރުމުގެ މަސައްކަތް ކުރަމުންނެވެ. އެގޮތުން ހުޅުމާލޭ ހޮސްޕިޓަލްގައި ކޯވިޑް19 އަށް ޓެސްޓްކުރެވޭނެ އިންތިޒާމް ހަމަޖައްސާފައިވަނީ މިދިޔަ ބުރާސްފަތި ދުވަހުއެވެ.
ހުޅުމާލޭ ހޮސްޕިޓަލުން ވިދާޅުވީ، މިއީ ލިބުނު ވަރަށް ބޮޑު ކާމިޔާބީއެއްކަމަށާއި، ކޯވިޑް19 ގެ މިހާލަތުގައި ހުޅުމާލޭ ހޮސްޕިޓަލުން ކޯވިޑަށް ޓެސްޓްކުރެވޭނެ އިންތިޒާމް ހަމަޖެއްސުމަކީ ކޮންމެހެން ބޭނުންކަމެއްކަމަށެވެ.

ކޯވިޑަށް ޓެސްޓްކުރަން ފަށައިގަންނައިރު އަމާޒަކީ ދުވާލަކު 200 ސާމްޕަލް ޓެސްޓްކުރުމަށް އެ ހޮސްޕިޓަލުން ބުނެއެވެ. ވަސީލަތްތައް ލިބެމުންދާވަރަކުން ޓެސްޓްކުރާ މިންވަރު އިތުރުކުރުމަށް މަސައްކަތްކުރާނެކަމަށެވެ.

advertisement

ހުޅުމާލޭ ހޮސްޕިޓަލުގައި ކޯވިޑަށް ޓެސްޓްކުރަން ފެށުމާއިއެކު ގްރޭޓަރ މާލެ ސަރަހައްދުގައި ޓެސްޓްހަދާ ތަންތަނުގެ ޢަދަދު މިވަނީ 4އަށް އިތުރުވެފައެވެ.