ފުލުހުންނާއި ސިފައިންނަށް ފްރަންޓްލައިން އެލަވަންސް ދީފި

ފިނޭންސް މިނިސްޓްރީން ބުނީ ސިފައިންނާއި ފުލުހުންގެ ތެރެއިން 6،518 މުވައްޒަފުންނަށް ފްރަންޓްލައިން އެލަވަންސްގެ ޖަމާކޮށްދީފައިވާކަމަށެވެ. އެއީ 3،184 ފުލުހުންނަށް 20.5 މިލިއަން ރުފިޔާ އާއި 3،334 ސިފައިންނަށް 24 މިލިއަން ރުފިޔާ އެވެ. މިއާއެކު ފްރަންޓްލައިން އެލަވަންސްގެ ގޮތުގައި އެކި ފަރާތްތަކަށް 78 މިލިއަން ރުފިޔާ މިހާތަނަށް ދޫކޮށްފައިވާކަމަށް ފިނޭންސް މިނިސްޓްރީން ވިދާޅުވެއެވެ.

ފްރަންޓްލައިންގައި މަސައްކަތްކުރި މީހުންގެ ތެރެއިން މިހާތަނަށް ފައިސާ ނުދީ ވަނީ ފުލުހުންނާއި ސިފައިންނަށް އެކަންޏެވެ. ފިނޭންސް މިނިސްޓްރީން އިން ބުނީ ފުލުހުންނާއި ސިފައިންގެ އެލަވަންސް ލަސްވީ މިކަމާއި ގުޅިގެން އެ މުއައްސަސާތަކުން އުސޫލަށް ގެނައި ބައެއް ބަދަލުތަކާއި ގުޅިގެންކަމަށެވެ. ފުލުހުންނާއި ސިފައިންނަށް ފްރަންޓްލައިން އެލަވަންސް ދިނުމާއެކު މި އެލަވަންސް ދޭންޖެހޭ އެންމެހާ ފަރާތްތަކަށް. އެލަވަންސް ވަނީ ދޫކޮށް ނިމިފައެވެ.

advertisement