މަސްވެރިންނަށް ދޭންޖެހޭ ފައިސާއިން 80 މިލިއަން ރުފިޔާ ދޫކޮށްފިން – މިފްކޯ

މަސްވެރިންނަށް ދޭންޖެހޭ ފައިސާ އިން މިހާތަނަށް 80 މިލިއަން ރުފިޔާ ދީފައިވާ ކަމަށް މިފްކޯ އިން ބުނެފި އެވެ.

އެކުންފުނީގެ ސީއީއޯ އިސްމާއިލް ފައުޒީ ވިދާޅުވީ މަސްވެރިންނަށް ނުދީ މިހާރު 83 ވަރަކަށް މިލިއަން ރުފިޔާ ކަމަށެވެ. މި ފައިސާ ވަރަށް އަވަހަށް މަސްވެރިންނަށް ދީ ނިންމާނެކަމަށް އޭނާ ވިދާޅުވިއެވެ.

advertisement

އޭނާ ވިދާޅުވި ގޮތުގައި މިހާރު ހުރިހާ ފައިސާއެއް ވެސް ދެމުން އަންނަނީ އެކައުންޓް ނުވަތަ މަސްވެރިޔާ ކާޑު މެދުވެރިކޮށެވެ.

މިފްކޯއިން މަސްވެރިނަށް ދޭން ޖެހޭ ފައިސާއާއި، މަސްވެރިން މިފްކޯއިން ހޯދާ ހިދުމަތްތަކަށް ދައްކަން ޖެހޭ ފައިސާ އޮންލައިންކޮށް ދެއްކޭނެ އިންތިޒާމް ހަމަޖެއްސުމަށް ޙާއްސަ އެޕްލިކޭޝަނެއް ތައާރަފްކުރުމަށްވެސް މިފްކޯއިން ވަނީ ނިންމާފައެވެ.

މިފްކޯއިން ބުނީ މި އެޕްލިކޭޝަން ތައާރަފްވެގެން ދިޔުމުން މަސްކިރުމަށްފަހު ލިބެން ޖެހޭ ފައިސާ މަސްވެރިންނަށް ޖަމާކުރުމާއި، މަސްވެރިން މިފްކޯއިން ޑީސެލާއި އައިސް ގަތުމަށްފަހު ފައިސާ ދެއްކުން ކުރިއަށްދާނީ މި އެޕްލިކޭޝަން މެދުވެރިކޮށްކަމަށެވެ.