ޤަވައިދާ ހިލާފަށް އުޅެމުންދިޔަ 8709 ބަނގްލަދޭޝް މީހަކު އަނބުރާ ގައުމަށް ފޮނުވާލައިފި

ރާއްޖޭގައި ޤަވާއިދާ ޚިލާފަށް އުޅެމުންދިޔަ 8709 ބަންގްލަދޭޝްގެ މީހަކު އަނބުރާ ޤައުމަށް ފޮނުވާލައިފިއެވެ.

ގަވައިދާ ހިލާފަށް އުޅޭ ބިދޭސީން ގައުމަށް ފޮނުވާލުމުގެ މަސައްކަތް ކުރިއަށްދަނީ މިނިސްޓްރީ އޮފް އިކޮނޮމިކް ޑިވެލޮޕްމަންޓާއި މޯލްޑިވްސް އިމިގްރޭޝަނާއި މޯލްޑިވިއަން ގުޅިގެންނެވެ. މިދިޔަ ބުރާސްފަތި ދުވަހު ވަނީ ބަންގްލަދޭޝްގެ 200 މީހަކު އެ ޤައުމަށް ފޮނުވާލާފައެވެ. މިއާއެކު ރާއްޖެއިން ބަންގަލްދޭޝަށް ފޮނުވާލި އެޤައުމުގެ ރައްޔިތުންގެ އަދަދު ވަނީ 8709އަށް އަރާފައެވެ.
ރާއްޖޭގައި ގާތްގަނޑަކަށް އެއްލައްކަ ތިރީސް ހާހަށްވުރެ ގިނަ ބިދޭސީން އަންނަނީ މަސައްކަތް ކުރަމިންނެވެ. މީގެތެރެއިން ފަސްދޮޅަސް ހާހަށްވުރެ ގިނަ މީހުންނަކީ ލިޔެކިޔުމެއް ނެތި ގަވާއިދާ ޚިލާފަށް އުޅޭ މީހުންނެވެ. ސަރުކާރުގެ އަމާޒަކީ މިއަހަރު ނިމޭއިރު މީގެތެރެއިން 20،000 މީހުން އަނބުރާ ޤައުމަށް ފޮނުވާލުމެވެ.

މިނިސްޓްރީ އޮފް އިކޮނޮމިކް ޑިވެލޮޕްމަންޓުގެ ތަފާސްހިސާބުތައް ދައްކާގޮތުން ރާއްޖޭގައި ޤާވާއިދާ ޚިލާފަށް އުޅޭ ބިދޭސީންގެ ތެރޭގައި އެންމެ ގިނައީ ބަނގްލަދޭޝް މީހުންނެވެ. ރާއްޖޭގައި ގަވައިދާ ހިލާފަށް އުޅޭ ބިދޭސީންނަށް ގައުމަށް ދެވޭނެ ފަސޭހަ އިންތިޒާމްތަކެއްވެސް މިހަރު އިމިގްރޭޝަނުން ވަނީ ހަމަޖައްސަދީފައެވެ. އެގޮތުން ޓޫރިސްޓް ވީޒާ ބިޒްނަސް ވީޒާ އަދި ކަނޑު ބޯޓުތަކުން ރާއްޖެ އެތެރެވެފައިވާ ފަރާތްތަކުގެ ތެރެއިން، އެ ބިދޭސީއަކަށް ދޫކޮށްފައިވާ ވީޒާގެ މުއްދަތު 19 މާރޗް 2020ގެ ފަހުގެ ތާރީޚަކަށް ހަމަވެފައިވާނަމަ، ވީޒާގެ މުއްދަތު އިތުރުނުކޮށް، ފުރާ ބަނދަރަކަށް ދިއުމުން ފުރޭނެ އިންތިޒާމު މިހާރު ވާނީ ހަމަޖައްސާފައެވެ.

advertisement