ރާއްޖެ ކާގޯ ފެރީގެ ސަބަބުން 2 ޤައުމުގެ ގުޅުން ބަދަލިވެގެންދާނެ – ރައީސް

އިންޑި އާއި ރާއްޖެއާ ދެމެދު ފެށި ކާގޯ ފެރީގެ ސަބަބުން ދެ ޤައުމުގެ ގުޅުން އިތުރަށް ބަދަހިވެގެންދާނެކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، އިންޑި އާއި ރާއްޖެއާއި ދެމެދު މުދާ ގެނައުމަށް ފެށުނު ކާގޯ ފެރީގެ ޚިދުމަތާއި ގުޅޭގޮތުން ކުރެއްވި ޓުވީޓެއްގައެވެ.

މި ޓްވިޓްގައި އެމަނިކުފާނު ވަނީ ރާއްޖެއާއި އިންޑިއާއާއި ދެމެދު ކާގޯ ފެރީގެ ޚިދުމަތް ފެށިގެންދިޔަކަމަށްޓަކާ އިންޑިއާގެ ބޮޑުވަޒީރަށާއި، އިންޑިއާ ސަރުކާރަށް ޚާއްސަ ޝުކުރެއް އަދާކުރައްވާފައެވެ.

އިންޑިއާއާއި ރާއްޖެއާއި ދެމެދު ފެށި ކާގޯ ފެރީގެ ސަބަބުން ދިވެހިންގެ ދިރިއުޅުމަށްވެސް ހެޔޮ އަސަރުތަކެއް ކުރާނެކަމަށް ރައީސުލްޖުމްހޫރިއްޔާ ވަނީ ވިދާޅުވެފައެވެ. އަދި މިއީ ދެ ޤައުމުގެ ދެމެދުގައި އޮތް ޒަމާންވީ ގުޅުން، އިތުރަށް ބަދަހި ވެގެންދާނެކަމެއްގެ ގޮތުގައި އެމަނިކުފާނު ވަނީ ވިދާޅުވެފައެވެ.

އިންޑިއާއާއި ރާއްޖެއާއި ދެމެދު ފަށާފައިވާ ކާގޯ ފެރީގެ ފުރަތަމަ ފެރީ އިއްޔެ ވަނީ މުދާ ހިފައިގެން ކުޅުދުއްފުއްޓަށް ބަނދަރުކޮށްފައެވެ. މި ފެރީ ދަތުރުކުރަނީ އިންޑިއާގެ ޓުޓިކުރިން ބަނދަރުން ފުރައިގެން ކޮޗިންއިން މުދާ ހިފައިގެން ރާއްޖެއަށެވެ.

advertisement

ފުރަތަމަ ފެރީގައިވެސް ރާއްޖެއަށް 500 ޓަނުގެ މުދާ ވަނީ ރާއްޖެއަށް ގެނެސްފައެވެ.