ވޯލްޑް ޓްރެވެލް އެވޯޑްގެ ލީޑިން އެއަރޕޯޓަކަށް ވީއައިއޭ ވާދަކުރަނީ

ވޯލްޑް ޓްރެވަލް އެވޯޑްސްގެ ‘ވޯލްޑް ލީޑިން އެއާޕޯޓް 2020’ އެވޯޑަށް ވެލާނާ އިންޓަނޭޝަނަލް އެއާޕޯޓް ނޮމިނޭޓްވެއްޖެ އެވެ.

މިއީ ވީއައިއޭ މިއެވޯޑަށް ޖެހިޖެހިގެން ނޮމިނޭޓްވި 12ވަނަ ފަހަރެވެ. 2009 ވަނަ އަހަރުން ފެށިގެން ކޮންމެ އަހަރަކު ވެސް ވީއައިއޭ އަންނަނީ މި އެވޯޑަށް ނޮމިނޭޓްވަމުންނެވެ.

advertisement

ދުނިޔޭގެ އެންމެ ރަނގަޅު އެއާޕޯޓުގެ އެވޯޑަށް މިއަހަރު 22 އެއާޕޯޓަކުން ވީއައިއޭއާ ވާދަކުރާނެ އެވެ.

އޭގެ ތެރޭގައި ފާއިތުވެދިޔަ ދެ އަހަރު މި އެވޯޑު ކާމިޔާބުކުރި ސިންގަޕޯ ޗަންގީ އެއާޕޯޓުވެސް ހިމެނެ އެވެ.

ވޯލްޑް ޓްރެވަލް އެވޯޑްސްގެ ‘ވޯލްޑް ލީޑިން އެއާޕޯޓް 2020’ އެވޯޑުގައި ވީއައިއޭއަށް ވޯޓު ދިނުމުގެ ފުރުސަތު މިހާރު ވަނީ ހުޅުވާލާފައެވެ. މިމަހުގެ 25 ގެ ނިޔަލަށް ވޯޓު ދެވޭނެއެވެ.

ވީއައިއޭ ވަނީ މިއަހަރު އިންޑިއަން އޯޝަންސް ލީޑިން އެއާޕޯޓުގެ އެވޯޑަށް ވެސް ނޮމިނޭޓްވެފަ އެވެ. އަދި މީގެ ކުރިން 11 ފަހަރު ވީއައިއޭއިން ވަނީ މި އެވޯޑު ކާމިޔާބުކޮށްފަ އެވެ.