ވަރޗުއަލް ސެކްރެޓަރީ: ހަރަދުކުޑަ ފަސޭހަގޮތެއް!

އޮފީހެއްގަ ސެކްރެޓޭރިއަލް، އެޑްމިން ނުވަތަ ކޯޕަރޭޓް މަސައްކަތް ކުރާނެ މީހެއް ގެންގުޅޭނެ ޖާގަ އާއި މާލީ ފުދުންތެރި ކަން ނެތް ކުދި އޮފީސްތަކަށް ވެސް އެޑްމިން މުވައްޒަފެއް މިހާރު ލިބެން އެބައޮތެވެ. މި މުވައްޒަފަށް އޮފީހުން ވޯކް ސްޓޭޝަން އެއް ދޭކަށް ނުޖެހޭނެ އެވެ. އަދި ބޮޑު މުސާރަ އެއް ދޭކަށް ނުޖެހޭނެއެވެ. މި މުވައްޒަފަކީ ވަރޗުއަލް ސެކްރެޓަރީ އެވެ.

ވަރޗުއަލް ސެކްރެޓަރީ މަސައްކަތް ކުރާނީ އޭނާގެ އަމިއްލަ ވޯކް ސްޓޭޝަން ގައެވެ. އޮފީސްތަކުން އާއްމުކޮށް ބޭނުން ވާ ހިދުމަތްތައް، މިސާލަކަށް ސަރުކާރުގެ އޮފީސްތަކުން ހޯދަން ޖެހޭ ހިދުމަތްތައް، ސިޓީ ފޮނުވާ ފޮލޯއަޕް ކުރުން، މީޓީންގތައް ހަމަޖެއްސުން ފަދަ ކަންކަން މި މުވައްޒަފު ކޮށްދެނީ ކުޑަ ފީއެއް ނަގައިގެންނެވެ.

advertisement

މި ހީދުމަތް ދެމުންއަންނަ މީހެއްކަމަށްވާ ސާއިރާ ބުނީ ގިނަ ފަހަރު ސަރުކާރު އޮފީސްތަކަށް ގުޅިޔަސް ފޯނު ނުނަގާ ކަމަށާއި އޭނާ އެތަންތަނަށް ގޮސް އަންނަނީ ބޭނުންވާ ޙިދުމަތް ހޯދައިގެންކަމަށެވެ. ވަޒީފާގެ އެއްބަސްވުން، ވަޒީފާ ބަޔާން، އެހެނިހެން ގާނޫނީ ލިޔެކިޔުންތައްވެސް ހެދުމުގެ ތަޖުރިބާ އާއި ތައުލީމު ހުރި، ސާއިރާ އަކީ 15 އަހަރު ވަންދެން އިދާރީ މަސައްކަތުގައި އުޅެފައިވާ މީހެކެވެ. މީގެތެރެއިން 9 އަހަރު މަސައްކަތް ކޮށްފައިވަނީ ލީގަލް އެޑްމިން/ކޯޕަރޭޓް މަސައްކަތުގައެވެ.  

“ގިނަ ފަހަރަށް ސަރުކާރު އޮފީސްތަކުން ފޯނެއް ނުނަގާނެ. އަޅުގަނޑު އެތަންތަނަށް ގޮސް ނިކުމެގެން އަންނާނީ ބޭނުންވާ ހިދުމަތް ހޯދައިގެން. ލިބެން ޖެހޭ ސިޓީއެއް ވިޔަސް، ހުއްދައެއް ވިއަސް އެ ލިޔުމެއް ހޯދައިގެން. އެއީ ތަފާތަކީ” ސާއިރާ ބުންޏެވެ.

ވަރޗުއަލް ސެކްރެޓަރީ ގެ ހިދުމަތް އަމިއްލަ މީހުންނަށްވެސް ހޯދޭނެއެވެ. މިސާލަކަށް އޮފީހުގެ މެނޭޖަރުން ފަދަ މީހުން، އެމީހުންގެ ޕީއޭ އެއް ނެތީމަ ވަރަށް ގިނަ ކަންކަން ނުކުރެވި ނުވަތަ ކުރަން ދަތިވެފައި ތިބެދާނެއެވެ. އެފަދަ މީހުންނަށް އޮފީހުގެ ފަރާތުން ޕީއޭ އެއް ހޯދައި ނުދޭނަމަ، އެމީހުންނަށް ވެސް ކުޑަކުޑަ އެލަވަންސް އެއް ދީގެން އެ މީހުން ބޭނުންވާ އެޑްމިން، ކޯޕަރޭޓް މަސައްކަތްތައް ވަރޗުއަލް ސެކްރެޓަރީ ލައްވާ ކުރުވޭނެއެވެ. އަދި އަޕްޑޭޓްސް ހޯދަން ނުވަތަ މަސައްކަތާ ބެހޭ ގޮތުން މަޝްވަރާކޮށްލަން އެފަރާތަކުން ބޭނުންވާނަމަ ބައްދަލުކޮށް މަސައްކަތުގެ ޕްރޮގްރެސް ދައްކާ އިތުރަށް މަޝްވަރާ ކުރުމަށްވެސް މި ހިދުމަތް ދޭ ފަރާތުން ވަގުތު ދޭނެއެވެ.

ކޮވިޑް ބަލިމަޑުކަމުގެ ސަބަބުން މުޅި ދުނިޔެއަށް ވެސް ދަސްވެ ހާމަ ވީ އެއް ކަމަކީ ގޭގައި ތިބެގެންވެސް މަސައްކަތްކުރެވޭ ވަރަށް ދުނިޔެ ކުޑަވެ ޓެކްނޮލޮޖީ ފުޅާ ވެއްޖެ ކަމެވެ. މި ހަގީގަތާއި އެކު އަހަރެމެން ކުރިއަށް ހިނގައިގަންނަ އިރު، އޮފީސްތަކަށް މިވަގުތައް އެންމެ މުހިއްމު އެއް ކަމަކީ އިތުރު އޯވާ ހެޑްސް ނެތި މަސައްކަތްތައް ނިންމުމެވެ. އަވަސް ހިދުމަތެވެ. ކުޑަ ހަރަދެކެވެ.

“އަހަންނާ އެކު މަސައްކަތްކުރަން ދެން ތިބީ ވެސް އެލް.އެލް.ބީ އާއި ބިޒްނަސް ކިޔަވާފަ އަދި މަސައްކަތުގެ ތަޖުރިބާ ވެސް ގިނަ މީހުން.” މީގެ ކުރިން ބިޒްނަސް މެނޭޖްމަންޓް ކިޔަވާފައިވާ އަދި މިހާރު އެލް.އެލް.ބީ ގެ 3 ވަނަ އަހަރު ނިމެންދާ ސާއިރާ ފާހަނގަކުރިއެވެ.

ނުނިމި ހުރި މަސައްކަތްތައް އަވަހަށް ވާޗުއަލް ސެކްރެޓަރީ އާއި ހަވާލުކޮށްލާށެވެ. ބޮލަށް ވަރަށް ފަސޭހަވާނެއެވެ. އަވަހަށް މަސައްކަތް ނިމޭނެ ކަމުގެ ޔަގީންކަން ވަރޗުއަލް ސެކްރެޓަރީ ދެއެވެ. 

ވީ.އެސް އަށް ގުޅޭނެ ނަމްބަރަކީ 9466770 އެވެ.