ފްލައިމީގެ އެތެރޭގެ އުދުހުންތައް އަލުން ފަށައިފި

ފްލައިމީގެ އެތެރޭގެ އުދުހުންތައް އަލުން ފަށައިފިއެވެ. ފްލައިމީގެ އެތެރޭގެ އުދުހުންތައް ފަށާފައިވަނީ މިމަހުގެ 1 ވަނަ ދުވަހުއެވެ.
ހަ މަސްދުވަހުގެ މެދުކެނޑުމަކަށްފަހު ޕްލައިމީގެ ޑޮމެސްޓިކް ފްލައިޓްތައް އެންމެ ފުރަތަމަ ފެށީ ވެލާނާ އިންޓަނޭޝަނަލް އެއަރޕޯޓުން މާމިގިލި އެއަރޕޯޓަށެވެ.
އެ އެއަރލައިނުން ބުނީ ފްލައިޓްތައް އޮޕަރޭޓްކުރާނީ ޑިމާންޑް އޮންނަ މިންވަރަށް ބެލުމަށްފަހުގައިކަމަށެވެ. މިވަގުތު މާމިގިއްޔަށް ދަތުރުތައް ފެށިނަމަވެސް އެހެން މަންޒިލްތަކަށްވެސް ޑިމާންޑް އޮތްގޮތް ބަލަމުންދާކަމަށާއި، ޑިމާންޑް އޮތްގޮތް ބެލުމަށްފަހު ދަރަވަންދޫއަށްވެސް ފްލައިޓްތައް އޮޕަރޭޓްކުރަން ފަށާނެކަމަށް އެ އެއަރލައިނުން ބުނެއެވެ.

ސެޕްޓެމްބަރ މަހުގެ 3 ވަނަ ދުވަހު ވިލާ އެއަރއަށް ވަނީ ބައިނަލްއަޤްވާމީ ދަތުރުތައް ކުރުމުގެ ހުއްދަވެސް ލިބިފައެވެ. ކޮލަންބޯގެ ބޯޑަރު ހުޅުވާލުމުން ރާއްޖެއާއި ރަތަމަލާން އެއަރޕޯޓާއި ދެމެދު ޝެޑިއުލް ދަތުރުތައް ފަށާނެކަމަށް ފްލައިމީއިން ބުނެއެވެ.

advertisement