ރާއްޖެ ޕްރޮމޯޓްކުރުމުގެ ކެންޕެއިނެއް ލަންޑަންގައި ފަށައިފި

ރާއްޖެ ޕްރޮމޯތްކުރުމުގެ ކެންޕެއިނެއް ޔޫކޭގެ މައި ސިޓީ، ލަންޑަނުގައި އެމްއެމްޕީއާރުސީން ފަށައިފިއެވެ.

މިއީ ރާއްޖެ ޕްރޮމޯޓުކޮށް، ރާއްޖެއަށް އަންނަ ފަތުރުވެރިން އިތުރުކުރުމަށް އެމްއެމްޕީއާރުސީން ލަންޑަނުގައި ފެށި އައުޓްޑޯ ކެމްޕެއިނެކެވެ. މި ކެންޕެއިން 2 މަސްދުވަހަށް ކުރިއަށްގެންދިއުމަށް ވަނީ ހަމަޖެހިފައެވެ.

advertisement

މި ކެމްޕޭނު ކުރިއަށްގެންދަނީ ލަންޑަނުގެ އެންމެ މަގުބޫލު އަދި ބާރުބޮޑު ސްޓޭޝަންތަކުގައެވެ. އެގޮތުން އެންމެ ބާރުބޮޑު ސްޓޭޝަންތަކުގައި ރާއްޖޭގެ މަންޒަރުތައް ދައްކައި އިޝްތިހަރުކުރާނެއެވެ. މީގެތެރޭގައި ކެންސިންގްޓަން ރޯޑްސައިޑް އާއި ވެސްޓްފިލްޑް ލަންޑަން މޯލް އާއި ލިވަޕޫލް ސްޓްރީޓް ސްޓޭޝަން އާއި ބްލެކްފްރިއާސް ސްޓޭޝަން އާއި ކެނޮންޓް ސްޓްރީޓް ސްޓޭޝަން ހިމެނެއެވެ. މީގެއިތުރުން ތޭމްސްލިންކް ސްޓޭޝަން އާއި ފެރެންޗްޗާޗް ސްޓޭޝަން އާއި ލަންޑަންގެ ގިނަ މީހުން ދަތުރުކުރުމަށް ބޭނުންކުރާ އެންމެ ބާރުބޮޑު ސެޓޭޝަން ވޯޓާލޫ ސްޓޭޝަން ހިމެނެއެވެ.

މި ކެންޕެއިންގެ ބޭނުކަމީ ރާއްޖެ އަންނަ ފަތުރުވެރިން އިތުރުކޮށް ކޯވިޑް އަށް ފަހު ރާއްޖެ އަކީ ޗުއްޓީ ހޭދަކުރަން ރައްކާތެރި މަންޒިލެއްކަން ފަތުރުވެރިންނަށް އަންގައިދިނުމެވެ.