މާލޭ ސިޓީގައި ފަތުރުވެރިކަން ޕްރޮމޯޓްކުރުމާއި ގުޅޭގޮތުން މަޝްވަރާކޮށްފި

މާލޭ ސިޓީގައި ފަތުރުވެރިކަން ޕްރޮމޯޓްކުރުމާއި ގުޅޭގޮތުން ޓޫރިޒަމް މިނިސްޓަރ މާލޭ ސިޓީގެ މޭޔަރާއި މަޝްވަރާކުރައްވައިފިއެވެ.

އިއްޔެ ބޭއްވި މި ބައްދަލުވުމުގައި ޓޫރިޒަމް މިނިސްޓަރ ޑރ. އަބްދުﷲ މައުސޫމް ވަނީ މާލޭ ސިޓީގެ މޭޔަރ ސިފާ މުޙައްމަދާއި ބައްދަލުކުރައްވައި ފަތުރުވެރިކަން ޕްރޮމޯޓް ކުރެވޭނެ ގޮތްތަކާއި ގުޅޭގޮތުން މަޝްވަރާކުރައްވާފައެވެ.

advertisement

މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވިފައިވަނީ މާލެ ސިޓީއިން ފަތުރުވެރިންނަށް ލިބިދޭ ޙިދުމަތްތަކާއި މައުލޫމާތުތައް އިތުރުކުރުމާއި ގުޅޭގޮތުންނެވެ. އެގޮތުން މާލޭގެ އެކި ސަރަހައްދުތަކުގައި ޗާޓުތަކާއި ބިލްބޯޑުތައް ބެހެއްޓުމާއި ގުޅޭގޮތުން ވަނީ މަޝްވަރާކުރައްވާފައެވެ. އަދި ފަތުރުވެރިންނަށް ޙިދުމަތް ހޯދޭނެ ގިނަ ފާހަނާތަކާއި، މައުލޫމާތު ލިއްބައިދޭ ތަންތަން މާލޭ ސިޓީގައި ޤާއިމްކުރުމާއި ގުޅޭގޮތުން މަޝްވަރާކޮށްފައިވާކަމަށް މާލޭ ސިޓީ ކައުންސިލުން ވިދާޅުވެއެވެ. ރާއްޖޭގެ ބޯޑަރު ޖުލައިމަހުގެ ތެރޭގައި ހުޅުވާލުމާއިއެކު ރާއްޖެ އަންނަ ފަތުރުވެރިންގެ އަދަދު އަންނަނީ އިތުރުވަމުންނެވެ. އެގޮތުން ސެޕްޓެމްބަރ މަހުގެ ނިޔަލަށް 18867 ފަތުރުވެރިން ރާއްޖެ ޒިޔާރަތްކޮށްފައިވާކަމަށް މޯލްޑިވްސް އިމިގްރޭޝަންގެ ތަފާސް ހިސާބުތަކުން ދައްކައެވެ.