އިންޑިއާގެ ލޯނުތަކަކީ ދަންތުރައެއް ނޫން: ރައީސް ނަޝީދު

އިންޑިއާ އިން ދޭ ލޯނު އެހީތަކަކީ ދަންތުރައެއް ނޫން ކަމަށް ކުރީގެ ރައީސް އަދި މަޖިލީހުގެ މިހާރުގެ ރައީސް މުހައްމަދު ނަޝީދު ވިދާޅުވެއްޖެއެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި ޗައިނާ އިން ނަގާފައިވާ ލޯނުތަކަކީ ދަރަނީގެ ދަންތުރަތަކެއްގެ ގޮތުގައި ސިފަކުރައްވަމުން ގެންދަވާ ރައީސް ނަޝީދު މިއަދު ނޫސްވެރިންނާ ބައްދަލުކުރައްވައި ދެއްކެވި ވާހަކަފުޅުގައި ވިދާޅުވީ ދަންތުރައަކަށް ވާނީ ލޯނު ނަގައިގެން ހިންގާ މަޝްރޫއުތަކުގެ އެސެޓް ނުވަތަ ހަރުމުދާ އެ ލޯނުތަކާ އެއްވަރުނުވުމުން ކަމަށެވެ.

advertisement

މަޖިލީހުގެ އިދާރާގައި އޮތް ނޫސްވެރިންގެ ބައްދަލުވުމުގައި ރައީސް ނަޝީދު ވިދާޅުވީ މިސާލަކަށް 100 މިލިއަން ޑޮލަރުގެ ލޯނެއް ނަގައިގެން ހިންގާ މަޝްރޫއަކުން އެ ލޯނު ދެއްކޭ ވަރުގެ އެސެޓެއް ނުލިބޭ ނަމަ ނުވަތަ އެވަރުގެ އިގްތިސާދީ ހަރަކާތެއް ނުހިންގޭ ނަމަ އެ ލޯނު ވާނީ ދަންތުރައަކަށް ކަމަށެވެ.

ރައީސް ނަޝީދު ވިދާޅުވީ އިންޑިއާ އިން ނަގާ ލޯނުތަކުން މަޝްރޫއުތައް ހިންގަނީ ދެ ފުށް ފެންނަ ގޮތަށް ކަމަށާއި ރާއްޖޭގައި ބިޑަށް ހުޅުވާލައި ދިވެހި ކުންފުނިތަކުގެ ބައިވެރިވުން އޮންނަ ގޮތަށް ކަމަށެވެ.

“އިންޑިއާ އައުޓް”ގެ ނަމުގައި ހިންގާ ކެމްޕެއިނަކީ ހަރުކަށި ފިކުރުގެ ޖަމާއަތްތައް އިސްވެ ތިބެ ހިންގާ ކެމްޕެއިނެއް ކަމަށް ވެސް ނަޝީދު ތުހުމަތުކުރެއްވިއެވެ.

މި ނޫސްވެރިންގެ ބައްދަލުވުމުގައި ރައީސް ނަޝީދު ވަނީ ގިނަ ކަންތައްތަކަކާ ބެހޭ ގޮތުން ވާހަކަ ދައްކަވާފައެވެ. އެ ގޮތުން އެމްޑީޕީގެ އެތެރޭގެ މައްސަލަތަކާ ބެހޭ ގޮތުން ވެސް މައުލޫމާތު ވާހަކަ ދެއްކެވިއެވެ. އޭގެ ތެރޭގައި އިކޮނޮމިކް މިނިސްޓަރު ފައްޔާޒު އިސްމާއީލް މަގާމުން ދުރުކުރުމަށް އެމަނިކުފާނު ކުރައްވާ މަސައްކަތްތަކާ ބެހޭ ގޮތުން ވެސް ވާހަކަ ދެއްކެވިއެވެ. ރައީސް ނަޝީދު ވިދާޅުވީ ފައްޔާޒު ވަކިކުރުމުގެ މައްސަލައަކީ އެމްޑީޕީގެ އެތެރޭގެ މައްސަލައެއް ކަމަށާއި އެ މަސައްކަތް މަޖިލީހުގެ އެތެރޭގައި ނުހިނގާ ކަމަށެވެ. އަދި އިތުބާރު ނެތްކަމުގެ މައްސަލަ ހުށަހަޅަން އެއްވެސް މެންބަރަކު ސޮއިކުރައްވާފައި ނުވާ ކަމަށް ވެސް މަޖިލީހުގެ ރައީސް ވިދާޅުވި އެވ