ކުށުގެ ވެށިން ސަލާމަތްވާ ފަރާތްތަކަށް ސްޓެލްކޯ އިން ވަޒީފާގެ ފުރުސަތު ދެނީ

ކުށުގެ ވެށިން ސަލާމަތްވެ އަނބުރާ މުޖުތަމައުއަށް ނުކުންނަ ފަރާތްތަކަށް ވަޒީފާގެ ފުރުސަތު ދިނުމަށް ސްޓެލްކޯ އިން ނިންމައިފިއެވެ. 

ޕެރޯލްގެ ފުރުސަތު ލިބޭ ފަރާތްތަކަށް ވަޒީފާގެ ފުރުސަތު ތަނަވަސްކޮށްދިނުމާ އެއްބަސްވުމުގައި ސްޓެލްކޯ އާއި ހޯމް މިނިސްޓްރީ އަދި ކަރެކްޝަނަލް ސާވިސަސްއާ ދެމެދު ވަނީ އެއްބަސްވުމެއްގައި ސޮއިކޮށްފައެވެ. 

advertisement

އެއްބަސްވުމުގައި ސޮއިކުރެއްވުމަށް ފަހު ސްޓެލްކޯގެ މެނޭޖިންގް ޑިރެކްޓަރު ހަސަން މުޣުނީ ވިދާޅުވީ ސްޓެލްކޯގެ މަގުސަދަކީ ކުށުގެ ވެށިން ސަލާމަތްވާ ޒުވާނުން އަލުން މުޖުތަމައުއަށް އަލުން އަނބުރާ އައުމުގެ ފުރުސަތު ތަނަވަސްކޮށްދިނުން ކަމަށެވެ. ހުރިހާ ދާއިރާއަކުން ވެސް އެ ފުރުސަތު ތަނަވަސްކޮށްދޭންޖެހޭނެ ކަމަށް މުޣުނީ ވިދާޅުވިއެވެ. 

މުޣުނީ ވިދާޅުވީ އެ ޒުވާނުން އަނބުރާ މުޖުތަމައުއަށް ނެރުމަށް ސަރުކާރުން ކުރާ މަސައްކަތް ކާމިޔާބު ވާނީ މުއައްސަސާތަކުްނ އެކަމުގައި ބައިވެރިވެގެން ކަމަށެވެ. އެ ގޮތުން ގަވާއިދުގެ ތެރެއިން ދެވެން ހުރި ހުރިހާ ފުރުސަތުތަކާއި އެއްބާރުލުން ހުރިހާ ދާއިރާއަކުން ވެސް ދޭންޖެހޭ ކަމަށް މުޣުނީ ވިދާޅުވިއެވެ. 

ސްޓެލްކޯ އާއި ހޯމް މިނިސްޓްރީގެ އިތުރުން ކަރެކްޝަނަލް ސާވިސަސްއާ ދެމެދު މިއަދު ސޮއިކުރި އެއްބަސްވުމަކީ އެއް އަހަރުގެ އެއްބަސްވުމެކެވެ. އަދި ނަތީޖާ އަށް ބެލުމަށް ފަހު އެއްބަސްވުމުގެ މުއްދަތު އިތުރުކުރުމަށް ވަނީ ނިންމާފައެވެ. މި އެއްބަސްވުމުގެ ދަށުން 35 ރަށަކުން ވަޒީފާގެ ފުރުސަތު ތަނަވަސްކޮށްދެވޭނެ ކަމަށް ސްޓެލްކޯ އިން ބުންޏެވެ.