ޚަބަރު

އަހަރުގެ ކުރިއަށް އޮތްތަނުގައި އެއްލައްކަ ފަތުރުވެރިން އަންނާނެކަމަށް ބެލެވޭ – މިނިސްޓަރ

11 އޮކްޓޯބަރ 2020 - 12:15

މިއަހަރުގެ ބާކީ އޮތް ދުވަސްތަކުގައި ރާއްޖެއަށް އެއްލައްކައަށްވުރެ ގިނަ ފަތުރުވެރިން އަންނާނެކަމަށް ލަފާކުރެވޭކަމަށް ޓޫރިޒަމް މިނިސްޓަރ ޑރ.ޢަބްދުﷲ މަޢުޞޫމް ވިދާޅުވެއްޖެއެވެ.

ޕާޓާ އަދި ބީބީސީ ގުޅިގެން ބޭއްވި، ޑެސްޓިނޭޝަން އިންސައިޓް ސީރީޒް- މޯލްޑިވްސްގައި ވާހަކަދައްކަވަމުން މިނިސްޓަރ މަޢުޞޫމް ވިދާޅުވީ ކޯވިޑް19 އަށްފަހު ބޯޑަރު އަލުން ހުޅުވާލުމާއިއެކު އެއްދުވަހުން އަނެއްދުވަހަށް ރާއްޖެ އަންނަ ފަތުރުވެރިންގެ އަދަދު އިތުރުވަމުންދާ ކަމަށެވެ. މިދިޔަ ހަފްތާގައި ދުވާލެއްގެ މައްޗަށް ރާއްޖެއަށް އަންނަ ފަތުރުވެރިންގެ އަދަދު އެއްހާހަށް އަރާފައިވާކަން މިނިސްޓަރ ފާހަގަކުރެއްވިއެވެ. އަދި ރާއްޖޭގައި ފަތުރުވެރިން ހޭދަކުރާ ދުވަސްތަކުގެ އަދަދުވެސް މިހާރު އިތުރުވަމުންއަންނަކަމަށް މިނިސްޓަރ ވިދާޅުވިއެވެ. އެހެންކަމުން އަހަރުގެ ބާކީއޮތް ދުވަސްތަކުގައި އެއްލައްކައަށްވުރެ ގިނަ ފަތުރުވެރިން ރާއްޖެ ޒިޔާރަތްކުރާނެކަމަށް ލަފާކުރެވޭކަމަށް މިނިސްޓަރ ވިދާޅުވިއެވެ.

ޕާޓާ އަދި ބީބީސީ ގުޅިގެން ބޭއްވި، ޑެސްޓިނޭޝަން އިންސައިޓު ސީރީޒް- މޯލްޑިވްސްގައި ރާއްޖޭގެ ފަތުރުވެރިކަމުގެ ދާއިރާގައި މަސައްކަތްކުރާ އެކި ފަރާތްތަކުން ބައިވެރިވެފައިވެއެވެ. އެގޮތުން އެމްއޭސީއެލުންނާއި، މާޓާޓޯ އަދި ހޮޓެލް ޖެންގެ ފަރާތުން ބައިވެރިވެ ވަނީ މައުލޫމާތު ހިއްސާކޮށްފައެވެ.

advertisement
ރިއެކްޝަންސް
0
0
0
0
0
0
0