ވޯލްޑް ޓްރެވެލް އެވޯޑްސްގެ ދުނިޔޭގެ ފެންވަރުގެ 8 ކެޓަގަރީއަކުން ރާއްޖެ ނޮމިނޭޓްވެއްޖެ

ވޯލްޑް ޓްރެވެލް އެވޯޑްސްގެ ދުނިޔޭގެ ފެންވަރުގެ 8 ކެޓަގަރީއަކުން ރާއްޖެ ނޮމިނޭޓްވެއްޖެއެވެ.
ވޯލްޑް ޓްރެވެލް އެވޯޑްސްއަކީ ފަތުރުވެރިކަމުގެ ދާއިރާގައި ދުނިޔޭގެ ފެންވަރުގައި ދެވޭ އެންމެ ޝަރަފުވެރި އެއް އެވޯޑެވެ.

ވޯލްޑް ޓްރެވެލް އެވޯޑްސްގައި ދުނިޔޭގެ ފެންވަރުގަޔާއި ސަރަހައްދީ ފެންވަރުގައިވެސް ރާއްޖެ ވަނީ ގިނަ އެވޯޑްތަކަކަށް ނޮމިނޭޓްވެފައެވެ. ދުނިޔޭގެ ފެންވަރުގައި ރާއްޖެ ނޮމިނޭޓްވެފައިވާ ދާއިރާތަކުގެ ތެރޭގައި ވޯލްޑް ލީޑިންގ ބީޗް ޑެސްޓިނޭޝަންއާއި، ވޯލްޑް ލީޑިންގ ކްރޫޒް ޑެސްޓިނޭޝަންއާއި، ވޯލްޑް ލީޑިންގ ޑެސްޓިނޭޝަންއާއި ވޯލްޑް ލީޑިންގ ޑައިވް ޑެސްޓިނޭޝަން ހިމެނެއެވެ. މީގެއިތުރުން އވޯލްޑް ލީޑިންގ ހަނީމޫން ޑެސްޓިނޭޝަންއާއި، ވޯލްޑް ލީޑިންގ އައިލެންޑް ޑެސްޓިނޭޝަންއާއި ވޯލްޑް ލީޑިންގ ޓޫރިސްޓް ބޯޑް އަދި ވޯލްޑް މޮސްޓް ރޮމޭންޓިކް ޑެސްޓިނޭޝަން ގެ ކެޓަގަރީ ހިމެނެއެވެ.

advertisement

މި ދާއިރާތަކުން ރާއްޖެއަށް ވޯޓުލުމުގެ ފުރުސަތު މިމަހުގެ 25 ވަނަ ދުވަހުގެ ނިޔަލަށް ވަނީ ހުޅުވިފައެވެ. އޮންލައިންކޮށްވެސް ވޯޓު ދިނުމުގެ ފުރުސަތު ވަނީ ހުޅުވާލާފައެވެ. އެވޯޑް ލިބޭނީ އެންމެ ގިނަ ވޯތުލިބޭ ޤައުމަކަށެވެ.

މިދިޔަ އަހަރުގެ ވޯލްޑް ޓެރެވެލް އެވޯޑްސް ގައިވެސް ރާއްޖެއަށް ދުނިޔޭގެ ފެންވަރުގެ 5 އެވޯޑެއް ވަނީ ލިބިފައެވެ. ވޯރލްޑް ޓްރެވެލް އެވޯޑްސްއަކީ ފަތުރުވެރިކަމުގެ ދާއިރާއާއި ދަތުރުފަތުރާއި މެހުމާންދާރީގެ ދާއިރާއިން ކުރިއަރަމުންދާ ޤައުމުތަކުގެ މަސައްކަތްތައް ފާހަގަކުރުމަށްޓަކައި 1993 ވަނަ އަހަރު ދެމުން އަންނަ ދުނިޔޭގެ ފެންވަރުގައި ފާހަގަކޮށްލެވޭ އެވޯޑެކެވެ.