ފަތުރުވެރިން ހަދަންޖެހޭ ފީސީއާރު ޓެސްޓުގެ ވަގުތު އިތުރުކޮށްފި

ރާއްޖެ އަންނަ ފަތުރުވެރިން ކޯވިޑް19 އަށް ޓެސްޓްހަދަންޖެހޭ ވަގުތައް އިތުރުކޮށްފިއެވެ.

ސަރުކާރުން މީގެކުރިން ކަނޑައަޅާފައިވަނީ ރާއްޖެ އަންނަ ފަތުރުވެރިން ރާއްޖެ އަންނައިރު 72 ގަޑިއިރު ނުވާ ކޯވިޑް19 ޕީސީއާރު ޓެސްޓެއް އޮންނަންޖެހޭނެކަމަށެވެ. ނަމަވެސް ޓޫރިޒަމް މިނިސްޓްރީން ވިދާޅުވީ މިހާރު ފަތުރުވެރިން ރާއްޖެ އައުމުގެ 96 ގަޑިއިރު ކުރިން ކޯވިޑް19 އަށް ނެގެޓިކްކަން އަންގައިދޭ ޓެސްޓެއް އޮތުމުން ފުދޭނެކަމަށެވެ. 

advertisement

މި ބަދަލާއިއެކު ރާއްޖެ އަންނަ ފަތުރުވެރިންގެ އަދަދު އިތުރުވެގެންދާނެކަމަށް ޓޫރިޒަމް މިނިސްޓްރީން ވަނީ އަންދާޒާކޮށްފައެވެ. ރާއްޖެ އަންނަ ހުރިހައި ފަތުރުވެރިން ކޯވިޑް19 އަށް ނެގެޓިވް ޕީސީއާރު ޓެސްޓެއް އޮންނަން ޖެހޭނެކަމަށް ސަރުކާރުން ކަނޑައެޅީ ރާއްޖެއަކީ ރައްކާތެރި ފަތުރުވެރިކަމުގެ މަންޒިލެއްކަން ކަށަވަރުކުރުމަށްޓައެވެ. މިދިޔަ މަހުގެ 10 ވަނަ ދުވަހުގެ ފަހުން ރާއްޖެ އަންނަ ކޮންމެ ފަތުރުވެރިއެއްގެ އަތުގައިވެސް ކޯވިޑް19 އަށް ނެގެޓިވް ޕީސީއާރު ޓެސްޓެއް އޮންނަން ޖެހޭނެކަމަށް ސަރުކާރުން ވަނީ ކަނޑައަޅާފައެވެ.

ރާއްޖެއަށް އެތެރެވުމަށް ޕީސީއާރް ޓެސްޓް ހެދުން މަޖުބޫރުކޮށްފައިވާއިރު، މިހާރު ރާއްޖެއިން ފުރާ ފަތުރުވެރިންނަށްވެސް މި ޓެސްޓް ހެދޭނެ އިންތިޒާމް 4 ސަރަހައްދެއްގައި ވަނީ ހަމައްސާފައެވެ. އެއީ ހުޅުމާލެ ހޮސްޕިޓަލް، ކުޅުދުއްފުށީ ރީޖަނަލް ހޮސްޕިޓަލް، އައްޑޫ އިކުއެޓޯރިއަލް ހޮސްޕިޓަލް އަދި މާލޭގައިނަމަ ފޮލިސް ލެބް އަދި އައިޖީއެމް ހޮސްޕިޓަލެވެ.