އޭރޯފްލޮޓުން ރާއްޖެއަށް ކުރާ ދަތުރުތައް އިތުރުކުރަނީ

ރަޝިއާގެ “އޭރޯފްލޯޓް” އިން ރާއްޖެއަށް ކުރާ ދަތުރުތައް އިތުރު ކުރަން ނިންމައިފިއެވެ.

އޭރޯފްލޮޓުން މިހާރު އަންނަނީ ރާއްޖެ އާއި ރަޝިއާ އާއި ދެމެދު ހަފްތާ އަކު ދެ ދަތުރު ބާއްވަމުންނެވެ. މި ދަތުރުތައް އިތުރުކޮށް ހަފްތާއަކު ހަތަރު ފްލައިޓު ރާއްޖެ އާއި ރަޝިއާ އާއި ދެމެދު ބާއްވަން މިހާރު އެ އެއަރލައިނުން ވަނީ ނިންމާފައެވެ.

advertisement

ކޯވިޑް19 އަށްފަހު އޭރޯފްލޮޓުން ރާއްޖެއަށް ދަތުރުތައް އަލުން ފެށީ މިދިޔަ މަހުގެ 11 ވަނަ ދުވަހުއެވެ.

އޭރޯފްލޮޓުން ރާއްޖެއަށް ދަތުރުތައް ފެށުމާއިއެކު ރާއްޖެ އަންނަ ފަތުރުވެރިންގެ އަދަދު ވަނީ ބޮޑުތަނުން އިތުރުވެފައެވެ. ފަތުރުވެރިން ރާއްޖެއަށް އެންމެ ގިނައިން އައި 3 އެއަރލައިންގެ ތެރޭގައިވެސް އޭރޯފްލޮޓު ހިމެނެއެވެ. ކޯވިޑް19 ގެ ސަބަބުން ބޯޑަރު ބަންދުކޮށްފައި އޮތުމަށްފަހު އަލުން ބޯޑަރު ހުޅުވާލުމާއިއެކު އެންމެ ގިނައިން ފަތުރުވެރިން އަންނަ ޤައުމުތަކުގެ ތެރޭގައި ރަޝިއާ ހިމެނެއެވެ. މިމަހުގެ 15ގެ ނިޔަލަށް ރަޝިއާއިން 4،817 ފަތުރުވެރިން ވަނީ ރާއްޖެއަށް ޒިޔާރަތް ކޮށްފައެވެ.