ޚަބަރު

މަސްތުގެ ހާލުގައި ދީނަށް ފުރައްސާރަކުރި ޑޮކްޓަރު ޑީޕޯޓްކޮށްލައިފި

19 އޮކްޓޯބަރ 2020 - 17:00

މަސްތުގެ ހާލުގައި މަގުމަތީގައި އިސްލާމް ދީނަށް ފުރައްސާރަކޮށް ފުލުހަކަށް އިންޒާރު ދިން ކަމުގެ ތުހުމަތުގައި ހައްޔަރުކުރި އިންޑިއާގެ ޑޮކަރު ޑީޕޯޓް ކޮށްލައިފިއެވެ.

ފުލުހުން ބުނީ އަމިއްލަ ކްލިނިކެއްގައި މަސައްކަތްކުރާ އެ ޑޮކްޓަރު ޑީޕޯޓްކޮށްލާފައި ވަނީ މި މަހުގެ 13 ވަނަ ދުވަހު ކަމަށެވެ.

advertisement

ނަފްސާނީ ބަލިތަކުގެ މީހުންނަށް ފަރުވާ ދޭ އެ ޑޮކްޓަރު މަގުމަތީގައި މަސްތުގެ ހާލުގައި ދީނަށް ފުރައްސާރަކުރަމުން ދަނިކޮށް ނަގާފައިވާ ވީޑިއޯއެއް ސޯޝަލް މީޑިއާގައި އާންމު ވެފައި ވެއެވެ. ނަމަވެސް މުއްދަތު ޖެހުމަށް ކޯޓަށް ގެންދިއުމުން ކޯޓުން އޭނާ ދޫކޮށްލިއެވެ.

އޭނާގެ ވީޑިއޯ އާންމުވުމާ ގުޅުގެން އޭނާ ހައްޔަރުކޮށް އަދަބު ދިނުމަށް ގިނަ ބަޔަކު ސޯޝަލް މީޑިއާގައި ގޮވާލާފައި ވެއެވެ. އަދި އޭނާ ކޯޓުން ދޫކޮށްލުމުން ވެސް ގިނަ ބަޔަކު ފާޑުކިޔާފައި ވެއެވެ.

އޭނާ ދޫކޮށްލުމުން ސޯޝަލް މީޑިއާ މެދުވެރިކޮށް އާންމުކުރި ވީޑިއޯއެއގައި އޭނާ ވަނީ މައާފަށް ވެސް އެދިފައެވެ. އަދި ނަފްސާނީ ބަލިތަކަށް ފަރުވާ ދޭ އެ ޑޮކްޓަރު ވެސް ހުރީ ނަފްސާނީ މައްސަލަތަކެއްގެ ތެރޭގައި ކަމަށް އޭނާ ބުނެފައި ވެއެވެ.

ރިއެކްޝަންސް
0
0
0
0
0
0
0