“އަންވެއިލިންގ ވިޝަން” މިމަހުގެ 23 ގައި ފަށަނީ

ދިވެހިރާއްޖޭގެ އާޓިސްޓުންނަށް ޙާއްސަކޮށްގެން ބާއްވާ “އަންވެއިލިންގ ވިޝަން” މިއަހަރު ބޭއްވުމަށް ނިންމައިފިއެވެ.

“އަންވެއިލިންގ ވިޝަން”އަކީ ދިވެހި އާޓިސްޓުންގެ ހުނަރު އިތުރުކޮށް، އެމީހުންގެ އުފެއްދުންތައް އާއްމުންނަށް ދައްކާލައި އިޝްތިހާރުކުރުމަށް މޯލްޑިވްސް އާޓިސްޓް ކޮމިއުނިޓީ، އެމްއޭސީން ބާއްވަމުންއަންނަ ހަރަކާތެކެވެ.

advertisement

މިއަހަރު މައުރަޒުގައި 53 އާޓިސްޓުން ބައިވެރިވާނެއެވެ. ޖުމްލަ 7 ކެޓަގަރީއަކުން ދިވެހި އާޓިސްޓުންގެ ކުރެހުންތައް ދައްކާލުމަށް ވަނީ ހަމަޖެހިފައެވެ. މި އެގްޒިބިޝަންގައި ބައިވެރިކުރާ ކުރެހުންތަކަކީ ޒަމާނީ ގޮތްތައް ބޭނުންކޮށްގެން އުފައްދާ ކުރެހުންތަކެކެވެ.

މިއަހަރުގެ އެގްޒިބިޝަން ބޭއްވުމަށް ހަމަޖެހިފައި ވަނީ މިމަހުގެ 23އިން 29އަށް ، އާޓް ގެލަރީގައެވެ. އެގްޒިބިޝަން ކުރިއަށްދާނީ ހެނދުނު 10:00އިން ރޭގަނޑު 21:30 އަށެވެ. މިފަހަރުގެ އެގްޒިބިޝަނަށް ވަނުމަށް އެއްވެސް ފީއެއް ދައްކާކަށް ނުޖެހޭނެއެވެ.

 2016ވަނަ އަހަރުން ފަށައިގެން ކޮންމެ އަހަރަކުވެސް މި އެގްޒިބިޝަން އަންނަނީ ބާއްވަމުންނެވެ.
ކޮންމެ އަހަރެއްގެ އާޓް އެގްޒިބިޝަނަށްވެސް އާއްމުންގެ ބޮޑު ތަރުޚީބެއް ލިބޭކަމަށް އިވެންޓް އިންތިޒާމްކުރާ މޯލްޑިވްސް އާޓިސްޓް ކޮމިއުނިޓީން ބުނެއެވެ.