މަންޓާ އެއަރގެ ކުޑަހުވަދޫ ދަތުރުތައް އަލުން ފަށައިފި

މަންޓާ އެއަރއިން ދ.ކުޑަހުވަދޫއަށް ކުރަމުން އައި ދަތުރުތައް އަލުން ފަށައިފިއެވެ.

މިއީ ކޯވިޑް19 އަށްފަހު މަންޓާ އެއަރއިން ކުޑަހުވަދޫ އެއަރޕޯޓަށް ދަތުރުތައް ފަށާ ފުރަތަމަ ފަހަރެވެ. މަންޓާ އެއަރއިން ވިދާޅުވީ ހަފްތާއަކު 4 ދަތުރު އެ އެއަރލައިނުން ދ. ކުޑަހުވަދޫގައި ތަރައްޤީކޮށްފައިވާ ދާލު އެއަރޕޯޓަށް ކުރާނެކަމަށެވެ. އަދި ދަތުރުތައް އިތުރުކުރާނީ ޑިމާންޑަށް ބެލުމަށްފަހުގައިކަމަށް އެ އެއަރލައިނުން ވަނީ ބުނެފައެވެ.

ކޯވިޑް-19 ގެ ކުރިން މަންޓާ އެއަރއިން އައީ ކުޑަހުވަދޫގެ އިތުރުން ކޫއްޑޫއަށާއި، ދަރަވަންދޫއަށް ދަތުރުތައް ބާއްވަމުންނެވެ. ނަމަވެސް ކޯވިޑް19 އާއިއެކު މި ދަތުރުތައް ވަނީ ހުއްޓާލާފައެވެ.

މަންޓާ އެއަރގެ ދަތުރުތައް އެންމެ ފުރަތަމަ ފަށާފައިވަނީ 2018ވަނަ އަހަރުގެ ތެރޭގައެވެ. މިއީ ރާއްޖޭގައި ވައިގެ އުދުހުންތަކުގެ ޚިދުމަތްދޭ އަމިއްލަ ކުންފުންޏެކެވެ. މަންޓާ އެއަރއިން އަންނަނީ ރާއްޖޭގެ ރިސޯޓްތަކަށް ސީޕްލޭންގެ ޙިދުމަތްވެސް ދެމުންނެވެ.

advertisement