ރާއްޖޭގައި ފުރަތަމަ ފަހަރަށް އޮންލައިން ފާމަސީއެއް ހުޅުވައިފި

ރާއްޖޭގައި އޮންލައިން ފާމަސީއެއް ހުޅުވައިފިއެވެ. “ފާމަސީ އެމްވީ” ގެ ނަމުގައި ހުޅުވި މި އޮންލައިން ފާމަސީން ބޭހާއި ސިއްހީ ކަންކަމަށް ބޭނުންވާ އުފެއްދުންތަކާއި ހިދުމަތްތައް ލިބޭނެއެވެ. މިއީ ރާއްޖޭގައި ހުޅުވި ފުރަތަމަ އޮންލައިން ފާމަސީ އެވެ.

މި ފާމަސީން ބޭހާއި، ސިއްހީ ކަންކަމަށް ބޭނުންކުރާ ގިނަ ބާވަތްތަކުގެ އިތުރުން ބޮޑީކެއާ އާއި ބިއުޓީ އަދި ޕާސަނަލް ކެއާގެ އުފެއްދުންތައް ވެސް ލިބެން ހުންނާނެ އެވެ.

advertisement

ފާމަސީ އެމްވީގެ ޙިދުމަތް ހޯދުމަށް ވެބްސައިޓް (www.pharmacy.mv ) އަށް ޒިޔާރަތްކޮށްގެން ނުވަތަ ފާމަސީ އެމްވީ އެޕް ފޯނަށް ޑައުންލޯޑް ކޮށްގެންވެސް ޙިދުމަތް ހޯދޭނެއެވެ. ގޫގަލް ޕްލޭ ސްޓޯރ އަދި އެޕް ސްޓޯރ މެދުވެރިކޮށްވެސް ފާމަސީ އެމްވީގެ އެޕްލިކޭޝަން ޑައުންލޯޑް ކުރެވޭނެކަމަށް ފާމަސީ އެމްވީއިން ބުނެއެވެ.

ފާމަސީ އެމްވީ މެދުވެރިކޮށް ޑޮކްޓަރަށް ދެއްކުމަށް އެޕޮއިންޓްމަންޓްވެސް އޮންލައިންކޮށް ހެއްދޭނެއެވެ. އެޕޮއިންޓްމަންޓް ހެއްދުމުން ގޭގެއަށް ގޮސް ބަލިމީހުންގެ ސާމްޕަލް ނެގުމާއި، ބްލަޑްޝުގާ ޗެކްކޮށްދިނުމާއި، ނެބިއުލައިޒް ކުރުމާއި، ޓިއުބް ފީޑިން އަދި އިންޖެކްޝަން ޖަހައިދިނުމުގެ ހިދުމަތް ލިބޭނެ ކަމަށް އެ ކުންފުނިން ބުނެއެވެ. ބޭސް ސިޓީ ވެބްސައިޓަށް އަޕްލޯޑު ކޮށްގެން ބޭސް ނެގުމުގެ ޙިދުމަތްވެސް ފޯރުކޮށްދޭނެއެވެ.