އަހަރެންގެ ބޭންކް ކޮމިއުނިޓީ ފަންޑް ޕްރޮގުރާމަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލައިފި

“އަހަރެންގެ ބޭންކް” ކޮމިއުނިޓީ ފަންޑް ޕްރޮގްރާމަށް ޕްރޮޕޯސަލް ހުށަހެޅުމުގެ ފުރުސަތު ބީއެމްއެލްއިން ހުޅުވާލައިފިއެވެ.
ބީއެމްއެލްގެ ކޮމިއުނިޓީ ފަންޑަށް ޕްރޮޕޯސަލްތައް ހުށަހެޅުން މިއަހަރު ކުރިއަށްގެންދަނީ 3 ފިޔަވައްސަކަށް ބަހާލައިގެންނެވެ. އެގޮތުން ފުރަތަމަ ދެ ފިޔަވަހީގައި 10 ޕްރޮޕޯސަލް ވަނީ ހޮވާފައެވެ. ތިންވަނަ ފިޔަވަހީގައި 10 ޕްރޮޕޯސަލް ހޮވުމަށް ބީއެމްއެލްއިން ނިންމާފައިވާއިރު މިހާރު މިވަނީ ޕްރޮޕޯސަލް ހުށައެޅުމުގެ ފުރުސަތު ހުޅުވާލާފައެވެ.

މި ފިޔަވަހީގައި ޕްރޮޕޯސަލް ހުށަހެޅުމުގެ އެންމެ ފަހު ތާރީހަކީ މިމަހުގެ 21ވަނަ ދުވަސްކަމަށް ބީއެމްއެލްއިން މައުލޫމާތުދެއެވެ. އަހަރެންގެ ބޭންކް ކޮމިއުނިޓީ ފަންޑް ޕްރޮގްރާމުގެ ދަށުން ތަޢުލީމާއި، ކުޅިވަރު ހަރަކާތްތަކުގެ އިތުރުން ތިމާވެށި ހިމާޔަތްކުރުން ފަދަ ކަންކަމަށް އަމާޒުކޮށްގެން ހުށަހަޅާ ޕްރޮޖެކްޓްތަކުގެ ތެރެއިން އެންމެ ރަނގަޅު 10 ޕްރޮޕޯސަލްއެއް ބީއެމްއެލްއިން ހޮވާނެއެވެ. އަދި ކޮންމެ ޕްރޮޕޯސަލް އެއްގައި ހިމެނޭ ކަންތައް ކުރުމަށްޓަކައި 50000 ރުފިޔާ ދިނުމަށް ވަނީ ކަނޑައަޅާފައެވެ.

ބީއެމްއެލްގެ ކޮމިއުނިޓީ ފަންޑަކީ އަމިއްލަ ފަރުދުންނާއި ހިލޭ ސާބަހަށް މަސައްކަތްކުރާ ޖަމިއްޔާތަކުން ރަށްރަށުގައި ހިންގަން ބޭނުންވާ ޕްރޮޖެކްޓްތަކަށް މާލީ އެހީތެރިކަން ފޯރުކޮށްދިނުމަށް ހުޅުވާލެވިފައިވާ ފަންޑެކެވެ.

advertisement

މިދިޔަ އަހަރު ބޭންކް އޮފް މޯލްޑިވްސް އިން ވަނީ “އަހަރެންގެ ބޭންކް” ކޮމިއުނިޓީ ފަންޑުގެ އެހީގައި ރާއްޖޭގެ އެކިކަންކޮޅުތަކުގައި ޕްރޮޖެކްޓް ހިންގުމަށް 1 މިލައަން ރުފިޔާ ހޭދަކޮށްފައެވެ.