މާލެ ސަރަހައްދުގެ ކާފިއުގެ ވަގުތު ދަންވަރު 12 އިން ފަތިހު 4 އަކަށް ބަދަލުކޮށްފި

މާލެ ސަރަހައްދުގައި އިއުލާންކޮށްފައިވާ ކާފިއުގެ ވަގުތަށް އެޗްޕީއޭއިން ބަދަލު ގެނެސްފިއެވެ.

އެޗްޕީއޭއިން ވިދާޅުވީ، މާލެ، ވިލިމާލެ އަދި ހުޅުމާލޭގެ ކާފިއުގެ ވަގުތު ދަންވަރު 12 އިން ފަތިހު 4 އަށް ބަދަލުކޮށްފައިވާކަމަށެވެ. މި ބަދަލާއިއެކު ދަންވަރު 12 އާ ހަމައަށް އެއްގަމުއުޅަނދު ދުއްވައި ބޭރުތެރޭގައި އުޅެވޭނެ އެވެ. ނަމަވެސް ދަންވަރު 12 އިން ފެށިގެން އެއްގަމު އުޅަނދު ދުއްވުމާއި ބޭރުތެރޭގައި އުޅުން މަނާވާނެކަމަށް އެޗްޕީއޭއިން ބުނެއެވެ.

advertisement

މި ބަދަލު ގެނައުމުގެ ކުރިން މާލެ ސަރަހައްދުގައި ކާފިއު ވަގުތަކީ ކޮންމެ ރެއެއްގެ 11 އިން ފަތިހު 4 އަށްށެވެ.

ކޯވިޑް19 އަށް ކަނޑައަޅާފައިވާ ކަންކަމަށް ލުއިތަކެއް އެޗްޕީއޭއިން ދީފައިވާއިރު،ބައެއް ކަންކަން އެޗުޕީއޭ އިން ވަނީ ލިމިޓު ކޮށްފަ އެވެ. އޭގެ ތެރޭގައި މާލެ ސަރަހައްދުގައި އެއްވެސް ވަގުތެއްގައި އެއްފަހަރާ 15 މީހުންނަށް ވުރެ ގިނަ މީހުން މަގުމަތީގައި އުޅުން މަނާކުރުމާއި މާލެ ސަރަހައްދުން އެހެން ރަށްރަށަށް ދާ މީހުން ކަރަންޓީނު ކުރުން ހިމެނެ އެވެ. މީގެއިތުރުން އެޗުޕީއޭގެ ގައިޑްލައިންތަކާ އެއްގޮތަށް، ވިޔަފާރި ކުރާ ތަންތަނާއި ކާބޯތަކެތީގެ ޚިދުމަތް ދޭ ތަންތަން، އެކަމާ ގުޅޭ އިދާރާއަކުން ކަނޑައަޅާ ގޮތެއްގެ މަތިން ހުޅުވައިލުމާއި، އެޗުޕީއޭގެ ގައިޑްލައިންތަކާ އެއްގޮތަށް، ޕާކުތަކާއި މައިޒާންތަކާއި ދާރުލްއާސާރުތައް ހުޅުވައިލުމަށްވެސް ވަނީ ހުއްދަ ދީފައެވެ.