ވޯލްޑް ޓެރެވެލް އެވޯޑްސްގެ ސަރަހައްދީ 4 އެވޯޑެއް ރާއްޖެއަށް

ވޯލްޑް ޓްރެވެލް އެވޯޑްސްގެ އިންޑިއާ ސަރަހައްދުގެ 4 އެވޯޑެއް ރާއްޖެއަށް ލިބިއްޖެއެވެ.
ވޯލްޑް ޓްރެވެލް އެވޯޑްސްގެ ސަރަހައްދީ ފެންވަރުގައި ރާއްޖެއަށް ލިބިފައިވާ 4 އެވޯޑްގެ ތެރޭގައި ހިމެނެނީ އިންޑިއާ ކަނޑުގެ ލީޑިންގ ބީޗް ޑެސްޓިނޭޝަން، ލީޑިންގ ކްރޫޒް ޑެސްޓިނޭޝަން، ލީޑިންގ ޑެސްޓިނޭޝަން އަދި ލީޑިންގ ޑައިވް ޑެސްޓިނޭޝަންއެވެ.

މީގެއިތުރުންވެސް އިންޑިއާ ކަނޑުގެ ގިނަ އެވޯޑްތަކެއް ރާއްޖޭގެ ރިސޯޓްތަކާއި ހޮޓެލްތަކުން ވަނީ ހޯދާފައެވެ. އިންޑިއާ ކަނޑުގެ ލީޑިންގ ސީޕްލޭން އޮޕަރޭޓަރުގެ އެވޯޑް ލިބިފައިވަނީ ޓްރާންސް މޯލްޑިވިއަން އެއަރވޭސްއަށެވެ.

އިންޑިއާ ކަނޑުގެ ސަރަހައްދުން ވޯލްޑް ޓްރެވެލް އެވޯޑްސްގެ އެވޯޑްތައް ލިބުނު ފަރާތްތައް އިއުލާންކޮށްފައިވަނީ މިމަހުގެ 10 ވަނަ ދުވަހުއެވެ. ވޯލްޑް ޓްރެވެލް އެވޯޑްސްގެ ދުނިޔޭގެ ފެންވަރުގެ 8 އެވޯޑަކަށްވެސް ރާއްޖެއިން ވަނީ ނޮމިނޭޓްވެފައެވެ. ނަމަވެސް މި އެވޯޑްތައް އިއުލާންކުރުން އޮންނާނީ މިމަހުގެ ފަހުކޮޅުއެވެ.

advertisement

ވޯލްޑް ޓްރެވެލް އެވޯޑްސްއަކީ ފަތުރުވެރިކަމުގެ ދާއިރާއާއި ދަތުރުފަތުރާއި މެހުމާންދާރީގެ ދާއިރާއިން ކުރިއަރަމުންދާ ޤައުމުތަކުގެ މަސައްކަތްތައް ފާހަގަކުރުމަށްޓަކައި 1993 ވަނަ އަހަރު ދެމުން އަންނަ ދުނިޔޭގެ ފެންވަރުގައި ފާހަގަކޮށްލެވޭ އެވޯޑެކެވެ.