ޤައުމީ ކުތުބުހާނާ މިމަހުގެ 22 ވަނަ ދުވަހު އަލުން ހުޅުވާލަނީ

ކޯވިޑް19 ގެ ސަބަބުން ޤައުމީ ކުތުބުހާނާ ބަންދުކޮށްފައި އޮތުމަށްފަހު މިމަހުގެ 22 ވަނަ ދުވަހުން ފެށިގެން އަލުން ހުޅުވާލަން ނިންމައިފިއެވެ.

އައު ޢާންމު ޙާލަތުގައި ޤައުމީ ކުތުބުޚާނާ ހުޅުވާލިނަމަވެސް އެތަނުން ޚިދުމަތް ދޭނީ ހަފްތާގެ 3 ދުވަހުއެވެ. އެއީ އާދިއްތަ، އަންގާރަ، ބުރާސްފަތި ދުވަހުގެ މެންދުރު 12:00 އިން 15:00 އަށެވެ.

ޤައުމީ ކުތުބުޚާނާއިން ދެމުން ގެންދިޔަ ޚިދުމަތްތައް ކޯވިޑް-19 އާއި ގުޅިގެން ވަގުތީ ގޮތުން މެދުކަނޑާލާފައި ވަނީ މިދިޔަ މާރިޗުމަހުގެ 12 ވަނަ ދުވަހުއެވެ. ޤައުމީ ކުތުބުޚާނާއަށް އަނބުރާ ގެންނަންޖެހޭ ތަކެތި، ކުތުބުޚާނާގެ ޚިދުމަތް ދެން ދޭންފަށާ ދުވަހުން ފެށިގެން 07 ދުވަހުގެ ތެރޭގައި އިތުރު ޖޫރިމަނާއަކާ ނުލާ ބަލައިގަނެކަމަށް ޤައުމީ ކުތުބުހާނާއިން ވަނީ ބުނެފައެވެ. ޤައުމީ ކުތުބުޚާނާއަކީ ރާއްޖޭގައި ހުރި އެންމެ ބޮޑު ކުތުބުހާނާއެވެ.

advertisement