ވަރޗުއަލްކޮށް ކުރިއަށްދާ މިއަހަރުގެ ޓީޓީއެމް ޓްރެވެލް ސަމިޓް ފަށައިފި

ޓީޓީއެމް ޓްރެވެލް ސަމިޓް ފަށައިފިއެވެ. މިއަހަރު ވަރޗުއަލްކޮށް ބާއްވާ ޓީޓީއެމް ޓްރެވެލް ސަމިޓް ކުރިއަށްދާނީ މިއަދާއި މާދަމާގެ ނިޔަލަށެވެ. މި އިވެންޓް ޓްރެވެލް ޓްރޭޑް މޯލްޑިވްސްގެ ފޭސްބުކް އަދި ޓްވިޓަރ އިން ލައިވްކޮށްދައްކާނެއެވެ.

ޓީއެމް ޓްރެވަލް ސަމީޓަކީ ރާއްޖޭގެ ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކުގެ މެދުގައި ކުރިއަށްގެންދާ އެންމެ ބޮޑު ޓްރެވެލް ސަމިޓެވެ. މިއަހަރުގެ ސަމިޓްގައި މައިގަނޑު ގޮތެއްގައި އަލިއަޅުވާލާނީ ކޯވިޑް19 އަށްފަހު ރާއްޖޭގެ ފަތުރުވެރިކަން އަލުން ކޮޅަށް ނެގުމާއި ގުޅޭގޮތުންނެވެ.

advertisement

ވަރޗުއަލްކޮށް ކުރިއަށްދާ ޓީޓީއެމް ޓްރެވެލް ސަމިޓްގައި ޓޫރިޒަމް މިނިސްޓަރ އަބްދުﷲ މައުސޫމް ވާހަކަފުޅުދައްކަވާނެއެވެ. މިނިސްޓަރ ގެ ވާހަކަފުޅުގައި މައިގަނޑުގޮތެއްގައި އަލިއަޅުވާލައްވާނީ ކޯވިޑް19 އަށްފަހު ރާއްޖޭގެ ފަތުރުވެރިކަން އަލުން ކުރިއެރުވުމުގައި ސަރުކާރުން ގެންގުޅޭ އުސޫލުތަކާއި ގުޅޭގޮތުންނެވެ.

ޓޫރިޒަމް މިނިސްޓަރުގެ އިތުރުންވެސް ރާއްޖޭގެ ފަތުރުވެރިކަމުގެ ސިނާއަތުގައި ހަރަކާތްތެރިވާ ފާހަގަކޮށްލެވޭ ބޭފުޅުންވެސް މި ސަމިޓްގައި ވާހަކަފުޅުދައްކަވާނެއެވެ. އެގޮތުން މަޓީގެ ސެކްރެޓަރީ ޖެނެރަލް އަޙްމަދު ނަޒީރުއާއި، އެމްއެމްޕީޢާރުސީގެ މެނޭޖިންގ ޑިރެކްޓަރ ތޮއްޔިބު މުޙައްމަދާއި، އިންޑިއާއިން ރާއްޖެއަށް ކަނޑައަޅުއްވާފައިހުންނަވާ ސަފީރު ސަންޖޭ ސުދީރުވެސް ވާހަކަފުޅުދައްކަވާނެއެވެ.

މީގެއިތުރުންވެސް ޓީޓީއެމް ޓްރެވެލް ސަމިޓްގެ ތެރެއިން ރާއްޖޭގެ ފަތުރުވެރިކަން ޕްރޮމޯޓްކުރެވިގެންދާނެއެވެ. އަދި ފަތުރުވެރިންނަށް ޙިދުމަތްދޭ ތަންތަނަށް ދިމާވެފައިވާ ދަތިތަކާއި ބެހޭގޮތުންވެސް ވާހަކަދެކެވިގެންދާނެއެވެ. މި ސަމިޓްގެ ތެރެއިން ފަތުރުވެރިކަމުގެ ސިނާއަތުގައި ހަރަކާތްތެރިވާ ފާހަގަކޮށްލެވޭ ފަރާތްތަކަކުން ބައިވެރިވާނެއެވެ. އޭގެތެރޭގައި ރިސޯޓް މެނޭޖަރުންނާއި، ޓްރެވެލް އެޖެންޓުންނާއި، ރާއްޖެއަށް އޮޕަރޭޓްކުރާ އެއަރލައިންތައް ހިމެނެއެވެ.

ޓީޓީއެމް ޓްރެވަލް ސަމީޓަކީ ރާއްޖޭގެ ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކުގެ މެދުގައި ކުރިއަށްގެންދާ އެންމެ ބޮޑު ޓްރެވެލް ސަމިޓްއެވެ. މި ސަމިޓް ކޮންމެ އަހަރަކުވެސް އަންނަނީ ބާއްވަމުންނެވެ. މިއީ ޓީޓީއެމް ޓްރެވެލް ސަމިޓް ބާއްވާ 4 ވަނަ އަހަރެވެ.

ޓްރެވެލް ޓްރޭޑް މޯލްޑިވްސްއަކީ އޯރކާ މީޑިއާގެ އުފެއްދުމެކެވެ. އޯރކާ މީޑިއާ ގްރޫޕްއަކީ މީޑިއާ އަދި މާކެޓިންގ ގެ ދާއިރާގައި ރާއްޖޭގައި ފުޅާދާއިރާއްގައި ހަރަކާތްތެރިވާ ކުންފުންޏެކެވެ.