އޯލެވެލް އިމްތިހާން އޭޕްރިލް 14 ގައި ފަށަނީ

ކެމްބްރިޖް އޯ ލެވެލް އިމްތިހާނު އަންނަ އަހަރުގެ އޭޕްރީލް 14 ވަނަ ދުވަހު ބާއްވަން ނިންމައިފިއެވެ. މިއަހަރުގެ އިމްތިހާން ލަސްކޮށްފައިވަނީ ކޯވިޑް19 ގެ ސަބަބުން ދަރިވަރުން ސިލަބަސް ނިންމައި އިމްތިހާން ތަކަށް ތައްޔާރުވުމަށް އެކަށީގެންވާ ވަގުތު ނުލިބޭނެތީއެވެ.
ކޮންމެ އަހަރެއްގެވެސް އޯލެވެލް އިމްތިހާން އެންމެ ފުރަތަމަ ފަށަނީ ދިވެހި އިސްލާމް މިމާއްދާއިންނެވެ. އެހެންނަމަވެސް މިއަހަރު އިސްލާމް އަދި ދިވެހި މާއްދާގެ ޓެސްޓް ބޭއްވުމަށް ހަމަޖެހިފައިވަނީ އަންނަ އަހަރުގެ މެއި މަހުއެވެ. އިސްލާމް ޕޭޕަރު އޮންނާނީ މެއި 1 އަދި 2 ވަނަ ދުވަހުއެވެ. އަދި ދިވެހި އިމްތިހާން އޮންނާނީ މެއި މަހުގެ 5 ވަނަ ދުވަހުއެވެ.
ދިވެހި އަދި އިސްލާމް މާއްދާ ލަސްކޮށްފައިވަނީ ދަރިވަރުންނާއި މުދައްރިސުންގެ އިތުރަށް ބެލެނިވެރިންގެ އެދުމުގެ މަތިންކަމަށް އެޑިޔުކޭޝަނުން ވިދާޅުވެއެވެ.
މިބަދަލު ގެނައުމުގައި އެންމެބޮޑު އިސްކަމެއް ދޭނީ ދަރިވަރުންނަށް ލިބޭ ގެއްލުން ވީހާވެސް ކުޑަކުރުމަށްކަމުގައި އެޑިއުކޭޝަން މިނިސްޓްރީން ވިދާޅުވެއެވެ.

advertisement