ދިވެހިރާއްޖޭގެ ފަތުރުވެރިކަން އިޝްތިހާރުކުރުމަށް ވިޒިޓް މޯލްޑިވްސް އިން ބޮޑު ދެ މާކެޓިންގ ކެންޕެއިން ޗައިނާ ގައި ލޯންޗްކޮށްފި

ވިޒިޓް މޯލްޑިވްސް އިން ​ދިވެހިރާއްޖޭގެ ފަތުރުވެރިކަން އިޝްތިހާރު ކުރުމުގެ ގޮތުން ބޮޑު ދެ މާކެޓިންގ ކެންޕެއިން ކަމަށް ވާ “މޯލްޑިވްސް އޮންލައިން ރޯޑްޝޯ އިން ޗައިނާ” އަދި “އިންފޮރމޭޝަން ޕޯޓަލް ފޮރ ޓްރެވެލް ޓްރޭޑް އޮން ވީޗެޓް” މިއަދު ވަނީ ލޯންޗްކޮށްފަ އެވެ.

މޯލްޑިވްސް އޮންލައިން ރޯޑްޝޯ ކުރިއަށް ދާނީ 30 ނޮވެމްބަރ އިން 2 ޑިސެމްބަރ ގެ ނިޔަލަށެވެ. ތިން ބަޔަކަށް ބަހާލެވިފައިވާ މިރޯޑްޝޯގައި އެކުލެވިގެންވާނީ “ލައިވް ވެބިނާރ”، “އޮންލައިން އެކްޒިބިޝަން” އަދި “ވަން އޮން ވަން މީޓިންސް” އެވެ. މިއަދު ބޭއްވިގެންދާ ލައިވް ވެބިނާރ ގެ މަޤްސަދަކީ ޗައިނާ ޓްރެވެލް ޓްރޭޑުންގެ ތެރޭގައި ދިވެހި ރާއްޖެ އަކީ ދަތުރު ކުރުމަށް ރައްކާތެރި މަންޒިލެއްގެ ގޮތުގައި ޕްރޮމޯޓްކުރުމެވެ.

advertisement

ރޯޑްޝޯގެ “އޮންލައިން ​އެކްޒިބިޝަން” މެދުވެރިކޮށް ދިވެހިރާއްޖެ އަށް ދަތުރުކުރުމާއި ގުޅޭ އެންމެ ފަހު މައުލޫމާތު ހިއްސާކުރެވިގެން ދާނެއެވެ. އަދި މި ރޯޑްޝޯގައި ވިޒިޓް މޯލްޑިވްސް އާއި އެކު ބައިވެރިވާ ފަތުރުވެރިކަމުގެ ދާއިރާގެ 11 ކުންފުނީގެ މައުލޫމާތު ވެސް ހިއްސާކުރެވޭނެއެވެ. މި “އޮންލައިން އެކްޒިބިޝަން” ކުރިއަށްދާނީ ފެބްރުއަރީ 2021 ގެ ނިޔަލަށެވެ.

މި ​ރޯޑްޝޯގެ ތެރޭގައި ވިޒިޓް މޯލްޑިވްސް އިން ވަނީ “​އިންފޮރމޭޝަން ޕޯޓަލް ފޮރ ޓްރެވެލް ޓްރޭޑް” ވީޗެޓް ގައި ލޯންޗުކޮށްފަ އެވެ. މި ޕޯޓަލް އަކީ ޗައިނާގެ 1.2 ބިލިއަން މިހުން ބޭނުން ކުރާ މީސްމީޑިޔާ ކަމަށްވާ “ވީޗެޓް” ގައި ހިމެނިގެން ދާނެ މިނީ ޕްރޮގްރާމެކެވެ. މި ޓްރެވެލް ޓްރޭޑް އިންފޮރމޭޝަން ޕޯޓަލް މެދުވެރިކޮށް ޗައިނާ ޓްރެވެލް ޓްރޭޑަށް ރާއްޖެއަށް ދަތުރުކުމާއި ގުޅޭ އެންމެ ފަހުގެ މައުލޫމާތު ލިބިގެންދާނެއެވެ. މި ޕޯޓަލްގެ އެންމެ މުހިންމު މަޤްސަދަކީ ދިވެހިރާއްޖެ އަށް ދަތުރުކުމާއި މެދު އޮންނަ އިތުބާރު އިތުރު ކުރުމާއި ޗައިނާގެ ޓްރެވެލް ޓްރޭޑާއި އެކު އޮންނަ ގުޅުން ވަރުގަދަކޮށް އެންމެ ފަހުގެ މައުލޫމާތު ހިއްސާކުރުމެވެ.

ޗައިނާ އަކީ ރާއްޖެއަށް އެންމެ ގިނަ އަދަދެއްގެ ފަތުރުވެރިން އަންނަމުން އައި އެއް މާކެޓެވެ. ކޮވިޑް-19 އާ ގުޅިގެން ދިވެހިރާއްޖޭގެ ބޯޑަރު ޗައިނާގެ ފަތުރުވެރިންނަށް ބަންދުކުރުމުގެ ކުރިން މި އަހަރުގެ ޖެނުއަރީ މަހު 31,744 ފަތުރުވެރިން ވަނީ އެ ގައުމުން ދިވެހިރާއްޖެއަށް ޒިޔާރަތްކޮށްފަ އެވެ. މިއީ މިދިޔަ އަހަރާއި އަޅާބަލާއިރު 23 އިންސައްތައިގެ ކުރި އެރުމެކެވެ. ​ ​ވިޒިޓް މޯލްޑިވްސް އިން ދަނީ މި އަހަރު ތެރޭގައި ޗައިނާގައި ތަފާތު މާރކެޓިންގ ހަރަކާތްތައް ކުރިޔަށް ގެންދަމުންނެވެ. މީގެ ތެރޭގައި “ވެއިބޯ” އަދި “ވީޗެޓް” ގައި ކުރިޔަށް ގެންދާ ތަފާތު ޑިޖިޓަލް ކެންޕެއިން ތަކާއި އައުޓްޑޯރ ކެންޕެއިންތައް، ޓުއާ އޮޕްރޭޓާސް އާއި އެކު ޖޮއިންޓް ކެޕެއިންތަށް ކުރިޔަށް ގެންދިޔުން ހިމެނެ އެވެ.