މިމަހުން ފެށިގެން މަސް ގަތުމުން ވަގުތުން ފައިސާ ލިބޭނެ – ހޮރައިޒަން ފިޝަރީޒް

މިމަހުން ފެށިގެން މަސް ގަންނައިރު ވަގުތުން ފައިސާދޭނެ ކަމަށް ހޮރައިޒަން ފިޝަރީޒް އިން ބުނެފިއެވެ.

އެ ކުންފުނިން ނެރެފައިވާ ބަޔާނެއްގައި ބުނެފައިވަނީ މިމަހުން ފެށިގެން އެކުންފުނީގެ ދަށުން ހިންގާ މާންދޫ ފިޝަރީޒް ކޮމްޕްލެކްސް އަދި އެކުންފުނީގެ މަސްކިރާ ބޯޓުތަކުން މަސް ގަންނާނީ ފައިސާ ދީގެން ކަމަށެވެ. ނަމަވެސް އަގުތަކަށް ބަދަލެއް ނާންނާނެ ކަމަށް އެކުންފުނިން ބުނެއެވެ.

ހޮރައިޒަން ފިޝަރީޒްއިން ބުނީ މި ބަދަލު ގެނައީ މަސްވެރިންގެ އެދުމަށް ބެލުމަށްފަހު މިވަގުތު އެބަދަލު ގެނެވެން އޮތުމުން ކަމަށެވެ.
ހޮރައިޒަން އިން މިވަގުތު މަސް ގަންނަނީ 1.5 ކިލޯއިން މަތީގެ މަސް އައިސް އަޅައިގެން 14ރ. އަށް އަދި އައިސް ނާޅާ 13.00ރ އަށެވެ. އަދި 1.5 ކިލޯއަށް ވުރެ ބަރުދަން ލުއި ވެއްޖެނަމަ، އައިސް އަޅައިގެން 5 ރުފިޔާ 50 ލާރިއަށް، އަދި އައިސް ނާޅާ 5 ރުފިޔާ 15 ލާރިއަށެވެ.

advertisement