ހުޅުމާލެ ޔޮޓް މެރީނާ އަދި ކްރޫޒް ޓަރމިނަލް ތަރައްޤީކުރުމަށް ހުޅުވާލައިފި

ހުޅުމާލޭ ދެވަނަ ފިޔަވަހީގެ ދަށުން، ޤާއިމުކުރާ ޔޮޓް މެރީނާ އަދި ކްރޫޒް ޓަރމިނަލް ތަރައްޤީކުރުމަށް ސައުޤުވެރިވާ ފަރާތްތަކުން އެކަމަށް އެދި ހުށައެޅުމަށް އެޗްޑީސީން އިއުލާންކޮށްފިއެވެ.

ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީން ކުރި އިޢުލާނެއްގައި ބުނެފައިވަނީ މިކަމަށް ޝައުގުވެރިވާ ފަރާތްތަކަށް ފުރުސަތު ހުޅުވާލާފައިވަނީ ވީހާވެސް ގިނަ ފަރާތްތަކަށް ހަމަހަމަކަމާއިއެކު ފުރުސަތު ހުޅުވާލުމުގެ ބޭނުމުގައިކަމަށެވެ. މިމަހުގެ 16 ވަނަ ދުވަހުގެ ކުރިން ޝައުޤުވެރިވާ ފަރާތްތަކަށް ފުރުސަތު އޮންނާނެކަމަށް އެޗްޑީސީން ބުނެއެވެ. އިންވެސްޓް ކުރުމުގެ ގައިޑްލައިން އެޗްޑީސީގެ ވެބްސައިޓުން ލިބެން ހުންނާނެކަމަށް އެ ކުންފުނިން ބުނެއެވެ.  

advertisement

ހުޅުމާލޭގައި ހެދުމަށް ހަމަޖެހިފައިވާ ޔޮޓް މެރީނާ އަދި ކްރޫޒް ޓަރމިނަލް ތަރައްޤީކުރާނީ ބައިނަލްއަޤުވާމީ ފެންވަރުގައިވެސް މިފަދަ ޚިދުމަތްތައް ދޭ މިންގަނޑުތަކާއި އުޞޫލުތަކާ އެއްގޮތައްކަމަށް އެ ކުންފުނިން ވަނީ ބުނެފައެވެ. އަދި ޖިއޮގްރަފީގެ ގޮތުން ބަލާނަމަވެސް، ޔޮޓް މެރީނާ ތަރައްޤީކުރެވިގެންދާ ސަރަޙައްދަކީ އެކަމަށް އެންމެ އެކަށީގެންވާ ސަރަޙައްދުކަމަށްވެސް އެޗްޑީސީން ބުނެއެވެ.