އދ. ދަނގެތި ފަތުރުވެރިންނަށް ހުޅުވާލައިފި

އދ. ދަނގެތީގެ ފަތުރުވެރިންނަށް ހުޅުވާލައިފިއެވެ. ކޯވިޑް19 އަށްފަހު ދަނގެތި އަލުން ފަތުރުވެރިންނަށް ހުޅުވާލާފައިވަނީ އިއްޔެއެވެ. ފުރަތަމަ ފަތުރުވެރިންގެ ގްރޫޕްގައި އެރަށައް އައިސްފައިވަނީ 2 ފަތުރުވެރިއެކެވެ.

މިވަގުތު އެރަށުގައި ހުޅުވާފައި ހުރީ އެންމެ ގެސްޓްހައުސްއެކެވެ. ނަމަވެސް މިމަހުގެ ތެރޭގައި އިތުރު 6 ތަނެއް ހުޅުވުމަށް ތައްޔާރުވަމުންއަންނަކަމަށެވެ.

advertisement

ޓޫރިޒަމް މިނިސްޓްރީން އެންމެ ފަހުން އާންމުކޮށްފައިވާ ތަފާސްހިސާބުތައް ދައްކާގޮތުން ގަނގެތީގެ 2 ގެސްޓްހައުސްއެއް ހުޅުވުމުގެ ހުއްދަ ވަނީ ދޫކޮށްފައެވެ. އޭގެތެރޭގައި ހިމެނެނީ އެންދެރި ސަންސެޓްއާއި، ދަނގެތި އިންއެވެ.

ފަތުރުވެރިންނަށް ޙިދުމަތްދިނުމުގެ ކަންކަން ދަނގެތީގައި ކުރިއަށްދަނީ އެޗްޕީއޭއާއި ރަށު ފެންވަރުގައި އެކުލަވާލަފައިވާ ގައިޑްލައިންތަކާއި އެއްގޮތްވާގޮތުގެމަތިންނެވެ. ގެސްޓްހައުސްތައް އަލުން ހުޅުވާލައި ޙިދުމަތްދިނުމަށް ރަށުގެ ޓާސްކްފޯސްއާއި ހެލްތް ސެންޓަރާއި، ގެސްޓްހައުސްތަކާއި، އާންމު ރައްޔިތުންގެ ފަރާތުން ކައުންސިލަށް އެއްބާރުލުން ލިބޭކަމަށް ދަނގެތި ކައުންސިލްއިން ވިދާޅުވެއެވެ.

ދަނގެތީގައި މުޅި ޖުމްލަ 8 ގެސްޓްހައުސްއެއް އަންނަނީ ހިންގަމުންނެވެ. ރާއްޖޭގެ 24 ރަށެއްގެ 135 ގެސްޓްހައުސްއެއް އަލުން ހުޅުވުމުގެ ހުއްދަ ޓޫރިޒަމް މިނިސްޓްރީން މިހާރު ވަނީ ދީފައެވެ.