އެއަރޕޯޓަށް ގިނަ މީހުން ނައުމަށް އެމްއޭސީއެލްއިން އިލްތިމާސްކޮށްފި

ވެލާނާ އިންޓަނޭޝަނަލް އެއަރޕޯޓަށް ގިނަ މީހުން ނުދާން މޯލްޑިވްސް އެއާޕޯޓް ކޮމްޕެނީ ލިމިޓެޑް، އެމްއޭސީއެލްއިން އިލްތިމާސްކޮށްފިއެވެ.

އެމްއޭސީއެލްއިން މިހެން ބުނެފައިވަނީ ވީއައިއޭގެ ޓްރެފިކް ހައި ވަމުންދާތީ، އެއާޕޯޓުގައި މީހުން ގިނަވެ، ބައިބޯ ވެދާނެ ކަމަށް ބަލާ ރައްކާތެރިކަމުގެ ފިޔަވަޅެއްގެ ގޮތުގައެވެ.

advertisement

ވީއައިއޭ ހިންގާ، މޯލްޑިވްސް އެއާޕޯޓް ކޮމްޕެނީ (އެމްއޭސީއެލް) އިން ބުނި ގޮތުގައި އެއާޕޯޓުގެ ޓްރެފިކް ހައި ވަމުންދާތީ ރައްކާތެރިކަމުގެ ފިޔަވަޅެއްގެ ގޮތުން އެއާޕޯޓަށްދާ މީހުންގެ އަދަދު މަދު ކުރުން މުހިންމު ކަމަށެވެ. ހާއްސަކޮށް ފުރާ މީހުންނާއި އަންނަ މީހުންނަށް މަރުހަބާ ކިޔަން ވީހާ ވެސް ގިނަ މީހުން ނުދާން ކުންފުނިން އެދެ އެވެ. އަދި އެއާޕޯޓަށް ދާއިރު ރާއްކާތެރިކަމުގެ ފިޔަވަޅެއްގެ ގޮތުން މާސް އަޅަން ވެސް އެ ކުންފުނިން އިލްތިމާސް ކޮށްފައިވެ އެވެ.

ކޯވިޑް19 އަށްފަހު ރާއްޖޭގެ ބޯޑަރު އަލުން ހުޅުވާލާފައިވަނީ މިދިޔަ ޖުލައި މަހުގެ 15 ވަނަ ދުވަހުއެވެ. މިއާއިއެކު ރާއްޖެ އަންނަ ފަތުރުވެރިން އިތުރުވެ ރާއްޖެއަށް ދަތުރުކުރާ އެއރަލައިންތައް އަންނަނީ އިތުރުވަމުންނެވެ.