ސަޓާ އެވޯޑް ފުރަތަމަ ފަހަރަށް ވަރޗުއަލްކޮށް މިއަހަރު

ސައުތު އޭޝިއަން ޓްރެވެލް އެވޯޑްސް، ސަޓާގެ އެވޯޑް ރަސްމިއްޔާތު ފުރަތަމަ ފަހަރަށް ވާޗުއަލްކޮށް ބާއްވާ ގޮތަށް ހަމެޖެހިއްޖެއެވެ. މިއަހަރުގެ ސަޓާ އެވޯޑް އޮންނާނީ އަންނަ އަންގާރަ ދުވަހު ވަރޗުއަލްކޮނެވެ. މިއަހަރުގެ ސަޓާ އެވޯޑް ރަސްމިއްޔާތު އޮންލައިންކޮށް ބާއްވާ ގޮތަށް ހަމަޖެއްސީ މިވަގުތު ދުނިޔެއަށް ކުރިމަތިވެފައިވާ ކޯވިޑް-19ގެ ބަލިމަޑުކަމުގެ ތެރެއިން ބައިނަލްއަޤްވާމީ ދަތުރުފަތުރުކުރުމުގައި ހުރި ދަތިތަކަށް ބެލުމަށްފަހުކަމަށް މިހަރަކާތް އިންތިޒާމްކުރާ ހައިރައިޒުން ބުނެއެވެ.

މިފަހަރު މިއެވޯޑަށް 52 ކެޓަގަރީ އަކުން 1000 ފަރާތަކުން ކުރިމަތިލާފައިވާ ކަމަށް ހައިރައިޒުން ބުނެއެވެ. މި އެވޯޑުތަކަށް ކުރިމަތިލާ ފަރާތްތައް ހޮވާނީ، ޖަޖުންގެ މާކްސްއާއި އޮންލައިން ވޯޓުންނެވެ. ޖަޖުންގެ ޕެނަލުގެ 60 އިންސައްތަ މާކްސް އެވޯޑުތަކަށް ދޭއިރު، ބާކީ 40 އިންސައްތަ މާކްސް ދޭނީ، އޮންލައިން ވޯޓުން އަދި ތަނުގެ ހިންގުންތެރިކަން ވަޒަން ކުރުމަށްފަހުއެވެ. އެއް ފަރާތަކަށް މި އެވޯޑަށް ކުރިމަތިލެވޭނީ އެންމެ ގިނަ ވެގެން 3 ކެޓެގަރީ އަކުންނެވެ. މިއަހަރު ސަޓާ އެވޯޑަށް ކުރިމަތިލިފާއިވަނީ، ދެކުނު އޭޝިއާގައި ހިމެނޭ، ބަންގްލަދޭޝް، ބޫޓާން، އިންޑިއާ، ނޭޕާލް ރާއްޖެ، އަދި ސްރީލަންކާގެ ފަތުރުވެރިކަމުގެ ސިނާޢަތްތަކުގައި ހަރަކާތްތެރިވާ ފަރާތްތަކުންނެވެ.
މިއީ ސަޓާ އެވޯޑު ބޭއްވޭ 5 ވަނަ ފަހަރެވެ. މީގެ ކުރިން ކުރިން ސްރީލަންކާގައި 2016 ވަނަ އަހަރު އެންމެ ފުރަތަމަ އެވޯޑު ބޭއްވުނު އިރު، 2 ވަނަ އެވޯޑް ރަސްމިއްޔާތު ބޭއްވުނީ 2017 ވަނަ ރާއްޖޭގައެވެ. އޭގެ ފަހުން 2018 ވަނަ އަހަރު އިންޑިއާގައި އެވޯޑް ހަފްލާ ބޭއްވުމަށްފަހު މިދިޔަ އަހަރު އަނެއްކާވެސް މި އެވޯޑު ރަސްމިއްޔާތު ބޭއްވީ ލަންކާގައެވެ.

advertisement